Parbhani News: वसंतराव नाईक मराठवाडा कृषी विद्यापीठाच्या अन्नतंत्र महाविद्यालयात पंतप्रधान सूक्ष्म अन्न प्रक्रिया उद्योग योजना (पीएमएफई) अंतर्गत स्थापित करण्यात आलेल्या सामाईक उष्मायन केंद्रात (कॉमन इनक्युबेशन सेंटर) यंदाच्या हंगामातील गूळ उत्पादनास शनिवारी (ता. १०) कुलगुरू डॉ. इंद्रमणी मिश्रा यांच्या हस्ते प्रारंभ करण्यात आला. .या वेळी महाविद्यालयाचे सहयोगी अधिष्ठाता डॉ. राजेश क्षीरसागर, गूळ प्रक्रिया केंद्रप्रमुख डॉ. एस. के. सदावर्ते, लक्ष्मी फार्म्सचे बाबासाहेब जामगे, महाविद्यालयाचे डॉ. बी. एस. आगरकर, राहुल भारद्वाज, आर. बी. जाधव, रमाकांत जोशी, अजय हमदापूरकर, नितीन मस्के आदी उपस्थित होते..Jaggery Production: उसापासून गूळ निर्मितीचे शास्त्रीय तंत्र.डॉ. इंद्रमणी म्हणाले, की गूळ प्रक्रिया केंद्राच्या माध्यमातून नवीन शैक्षणिक धोरणानुसार विद्यार्थ्यांचा कौशल्य विकास साधावा तसेच रोजगारनिर्मिती, महिला सबलीकरण आणि उद्योजकता विकासाला चालना देण्यासाठी नियमित प्रशिक्षण कार्यक्रम राबवावेत..Jaggery Production: शिराळातील शेतकऱ्यांचा गूळ उत्पादनाकडे कल कमी.गूळ प्रक्रिया केंद्र गंगाखेड येथील लक्ष्मी फार्म्स यांना ‘ऑपरेशनल अँड मेंटेनन्स’ या तत्त्वावर देण्यात आले आहे. या केंद्रात आधुनिक तंत्रज्ञानाच्या साहाय्याने गूळ क्युब्ज, गुळाची ढेप, गूळ काकवी व गूळ पावडर यांसारखी विविध मूल्यवर्धित उत्पादने तयार केली जातात..मागील हंगामात या केंद्रात १२० टन गुळाचे उत्पादन घेण्यात आले. सामाईक उष्मायन केंद्रामुळे जिल्ह्यातील कृषी व अन्नप्रक्रिया उद्योगास मोठी चालना मिळत असून युवक व महिलांसाठी रोजगारनिर्मिती, महिला सबलीकरण आणि उद्योजकता विकासाला विशेष बळ मिळत आहे. येथे उत्पादित होणाऱ्या मूल्यवर्धित पदार्थांची गुणवत्ता उत्तम असून परभणी व परिसरातील बाजारपेठेत त्यांना चांगली मागणी आहे, असे या वेळी सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
