Pune News: राज्यातील २९ जिल्ह्यांमधील शेतकऱ्यांच्या खात्यात स्थानिक नैसर्गिक आपत्ती आणि हंगामातील प्रतिकूल परिस्थिती या दोन ट्रीगरअंतर्गत विमा भरपाई जमा होत आहे. या दोन ट्रीगरमधून शेतकऱ्यांना २२ एप्रिलपर्यंत ३ हजार १७८ कोटी रुपयांची भरपाई मंजूर झाली. यापैकी १ हजार ६२० कोटी रुपये शेतकऱ्यांच्या खात्यात जमा झाले. तर १ हजार ५५८ कोटी रुपये शेतकऱ्यांच्या खात्यात जमा करण्याची प्रक्रिया सुरु असल्याचे कृषी विभागाने सांगितले.
राज्यातील वेगवेगळ्या जिल्ह्यांमधील शेतकऱ्यांना वेगवेगळ्या ट्रीगरमधून भरपाई मंजूर झाली आहे. विमा कंपन्यांना राज्याने आपल्या हिस्स्याचा पहिला हप्ता दिल्यानंतर स्थानिक नैगर्सिक आपत्ती आणि हंगामातील प्रतिकूल परिस्थिती या दोन ट्रिगरमधून मंजूर झालेली भरपाई देण्यास सुरुवात केली. काढणी पश्चात नुकसान भरपाई आणि पीक कापणी प्रयोग आधारित भरपाई राज्याने आपला दुसरा हप्ता दिल्यानंतर जमा होईल.
स्थानिक नैगर्सिक आपत्ती आणि हंगामातील प्रतिकूल परिस्थिती या दोन ट्रीगरमधून भरपाई निश्चित करण्याचे काम अजूनही काही जिल्ह्यांमध्ये सुरुच आहे. त्यामुळे भरपाईची रक्कम वाढत आहे. राज्यातील २९ जिल्ह्यांमध्ये या दोन ट्रीगरमधून भरपाई मंजूर झाली. कोकणातील कोणत्याही जिल्ह्यात या दोन ट्रिगरमधून भरपाई मंजूर झालेली नाही.
स्थानिक नैगर्सिक आपत्ती आणि हंगामातील प्रतिकूल परिस्थिती या दोन ट्रिगरमधून भरपाई मंजूर झालेले विभागनिहाय जिल्हे पुढीलप्रमाणे…
पुणे विभागः पुणे, सोलापूर, अहमदनगर.
कोल्हापूर विभागः सातारा, सांगली, कोल्हापूर.
नाशिक विभागः नाशिक, धुळे, नंदूरबार, जळगाव.
छत्रपती संभाजीनगर विभाग: छत्रपती संभाजीनगर, बीड, जालना.
लातूर विभागः धाराशिव, लातूर, नांदेड, हिंगोली, परभणी.
अमरावती विभागः अकोला, अमरावती, बुलडाणा, यवतमाळ, वाशिम.
नागपूर विभाग: नागपूर, वर्धा, भंडारा, गोंदिया, चंद्रपूर, गडचिरोली.
राज्यातील २९ जिल्ह्यांमधील शेतकऱ्यांना स्थानिक नैसर्गिक आपत्ती आणि हंगामातील प्रतिकूल परिस्थिती या दोन ट्रीगरमधून भरपाई मिळत आहे. या जिल्ह्यांमधील शेतकऱ्यांसाठी आतापर्यंत एकूण ३ हजार १७८ कोटी रुपयांची भरपाई मंजूर झाली. त्यापैकी १ हजार ६२० कोटी रुपये शेतकऱ्यांच्या खात्यात जमा झाले. तर १ हजार ५५८ कोटी रुपये शेतकऱ्यांच्या खात्यात जमा करण्याची प्रक्रिया सुरु आहे, असे कृषी विभागाने स्पष्ट केले.
भरपाई वाढणार
राज्यात अजूनही विमा भरपाई निश्चित करण्याचे काम सुरु आहे. स्थानिक नैगर्सिक आपत्ती आणि हंगामातील प्रतिकूल परिस्थिती या दोन ट्रीगरमधून आणखी भरपाई निश्चित होऊ शकते. म्हणजेच भरपाईची रक्कम वाढू शकते, असेही कृषी विभागाने स्पष्ट केले.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.