Akola News : नेहमी वेगवेगळ्या पीक लागवडीसाठी जिल्ह्यात प्रसिद्ध असलेल्या शेतकरी सचिन कोरडे यांनी भर उन्हाळ्यातही केळीची लागवड केली आहे. केळीची उन्हाळी हंगामात केलेली लागवड फायदेशीर ठरते असे त्यांनी सांगितले.
तेल्हारा तालुक्यातील हिंगणी शिवारात सचिन कोरडे यांची शेती असून केळीचे ते प्रामुख्याने उत्पादन घेतात. केळीला बाराही महिने मागणी राहत असून शेतकरी यातून चांगले उत्पादन व उत्पन्न मिळवत आहेत. या वर्षी कोरडे यांनी केळी लागवडीसाठी टिश्युकल्चर रोपांची निवड केली आहे.
बारमाही पाण्याची सुविधा असल्याने या हंगामातही केळी लागवडीला पसंती दिली. या लागवडीमुळे पिकाची योग्य मशागत आणि लागवडीसाठी पुरेसा वेळ मिळतो. या काळात थोड्याफार प्रमाणात दमट हवामान असल्याने रोपांच्या वाढीसाठी अतिशय उपयुक्त ठरते. जमिनीत लवकर वाफसा येतो. उन्हाळी लागवड क्षेत्रातून पुढच्या वर्षी काढणी सुरू होते. या काळात बाजारात भाव देखील चांगला मिळतो, असे कोरडे यांनी सांगितले.
सचिन कोरडे यांनी उन्हाळ्यातही केळी लागवडीच्या धाडसाची माहिती मिळताच तेल्हारा तालुका कृषी अधिकारी गौरव राऊत, विनय राठी यांनी भेटी देऊन पिकाची पाहणी केली.
तेल्हारा तालुक्यात केळी पीक महत्त्वाचे असून शेतकऱ्यांना जास्त उत्पन्न मिळून देण्याची क्षमता असलेले पीक आहे. उन्हाळ्यात शेतकऱ्यांनी केळीची लागवड केल्यास कृषी विभागातर्फे मार्गदर्शन करण्यात येईल, असे यावेळी गौरव राऊत म्हणाले.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.