Sindhudurg News : सिंधुदुर्ग जिल्ह्यात पुरेशा पावसाअभावी भातपिकांची वाढ खुंटलेली असताना आता जिल्ह्यातील शेकडो भातपिकाला करप्याचा प्रादुर्भाव झाला आहे. भातपिकांची पात पिवळी होत असून, वाढही थांबल्याचे चित्र अनेक भागांत आहे. त्यामुळे शेतकऱ्यांमध्ये चिंतेचे वातावरण आहे.
जिल्ह्यात खरीप हंगामात सर्वाधिक ६२ हजार हेक्टर क्षेत्रावर भातपीक लागवड करण्यात आली आहे. या वर्षी पाऊस लांबल्यामुळे या वर्षी भातपीक हंगामदेखील उशिराने सुरू झाला. दरम्यान, जिल्ह्यात ऑगस्ट महिन्यात पावसाने पाठ फिरविली. पुरेशा पाण्याअभावी भातपिके लागवड केलेल्या स्थितीतच आहेत. अलीकडील काही दिवस पाऊस पडत आहे. परंतु भातपिकांची अपेक्षित वाढ होताना दिसत नाही असे असतानाच आता नवे संकट उभे राहिले आहे.
जिल्ह्यातील शेकडो एकर भातपिकावर करप्याचा रोगाचा प्रादुर्भाव झाला असून, त्यामध्ये दिवसेंदिवस वाढ होत आहे. वैभववाडी, कणकवली, कुडाळ, मालवण, देवगड या तालुक्यांतील भरडी जमिनीतील भातपिकांवर करप्याचे प्रमाण अधिक दिसून येत आहे. वाढत असलेल्या करप्यामुळे भातपीक उत्पादकांमध्ये चिंतेचे वातावरण आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.