Pune News: ऊस तोडणी मशिनचे दर वाढवून देण्यासाठी समिती गठित करावी, वाहतूक दर वाढवावा यांसह विविध मागण्यांसाठी महाराष्ट्र राज्य ऊस तोडणी मशिन मालक संघटनेने पुण्यातील साखर आयुक्त कार्यालयासमोर सोमवारपासून (ता. १०) आंदोलन सुरू केले आहे.
मागण्या मान्य न केल्यास साखर आयुक्तालयाला तोडणी मशिनसह घेराव घालण्याचा इशारा संघटनेचे अध्यक्ष संजय साळुंखे यांनी दिली. आंदोलनात महाराष्ट्र राज्य ऊस तोडणी मशिन मालक संघटनेचे उपाध्यक्ष प्रभाकर भीमेवार, युवराज पाटील, अमोलराजे जाधव, सुभाष सातारकर, शरद चव्हाण, अमोल पवार, प्रभाकर चव्हाण, संतोष पोटे, संभाजी कदम असे मशिन मालक सहभागी झाले आहेत.
श्री. साळुंखे म्हणाले, की कृषी क्षेत्रातील प्रोत्साहनपर योजनांमुळे कृषी यांत्रिकीकरणात गतीने वाढ झालेली आहे. यामुळे सध्या महाराष्ट्रात १३०० मशिन कार्यरत आहेत, यातील काहींना अनुदान मिळाले आहे.
सन २०१८ पासून जवळपास ९०० मशिनला अनुदान मिळालेले नाही. आम्ही सन २०१९ पासून वेगवेगळ्या स्तरावरून आंदोलने, भेटीगाठी केल्या. परंतु ठोस निर्णय काहीच झाला नाही. सध्या सन २०२४-२०२५ चा हंगाम संपलेला आहे. आता मशिन चालविण्यासाठी लागणाऱ्या डिझेलचे दर तसेच इतरही खर्च वाढलेले आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.