Nanded News: नवीन वर्षाच्या प्रारंभालाच ढगाळ वातावरण तयार झाल्यामुळे किमान तापमानात वाढ झाली आहे. मागील पाच दिवसांत पाच अंशाने तापमानात वाढ झाल्यामुळे थंडी कमी झाली आहे. सकाळी दाट धूके जाणवत असल्याने याचा फटका हरभरा, गहू पिकाला बसण्याची भीती शेतकरी व्यक्त करीत आहेत..नांदेड जिल्ह्यात डिसेंबर महिन्यात किमान तापमानाचा पारा सामान्य तापमानाच्या खाली आला होता. यामुळे जिल्ह्यात कडाक्याची थंडी पडली होती. ही थंडी महिन्यापेक्षा अधिक कालावधीत राहिल्याने केळी सारख्या पिकांच्या वाढीवर परिणाम दिसून आला. पाने पिवळी पडू लागल्याने त्याचा वाढीवर परिणाम जाणवला. परंतु ही थंडी मात्र हरभरा, गहू व रब्बी ज्वारी या पिकांसाठी पोषक मानली जात आहे. या पिकांची अवस्था चांगली होती. .Climate Change Impact: ढगाळ वातावरणाचा जिल्ह्यात रब्बी पिकांवर परिणाम.परंतु नवीन वर्षाच्या सुरुवातीलाच जिल्ह्यात ढगाळ वातावरण तयार होऊन थंडी कमी झाली. डिसेंबरच्या १८ तारखेला किमान तापमानाचा पारा ८.९ अंशापर्यंत खाली गेला होता. यानंतर ता. ३१ डिसेंबरला १०.५ अंश सेल्सिअस नोंदला गेला..Climate Change: अनुदानाची मलमपट्टी पुरेशी ठरणार नाही.यानंतर मात्र यात वाढ होत गेली. ता. एक जानेवारी रोजी १२.१ अंश, ता. दोन जानेवारी रोजी १४.९ अंश सेल्सिअस, ता. तीन जानेवारी रोजी १५.७ अंश सेल्सिअस, चार जानेवारी रोजी १५.१ अंश सेल्सिअस तर पाच जानेवारी रोजी यात किंचित कमी होऊन १४.७ अंश सेल्सिअस तापमानाची नोंद झाली आहे. या काळात जिल्ह्यात सकाळी दाट धुके पडत आहे. याचा प्रतिकूल परिणाम हरभरा, गहू पिकावर होण्याची भीती शेतकरी व्यक्त करीत आहेत..तीन दिवसांत ५ अंशाहून अधिकची वाढवातावरणात अचानक बदल झाल्यामुळे मागच्या काही दिवसापासून १० अंशांखाली असलेले किमान तापमानात तीन दिवसात ५ अंशाहुन अधिकची वाढ झाली आहे. बुधवारी (ता. ३१) किमान तापमान १०.५ अंशांवर होते तर रविवारी पहाटे त्यात तब्बल ५.६ अंशांनी वाढ होऊन तापमान १५.७ अंशांवर पोहोचले. परिणामी रविवारी पहाटे थंडीची तीव्रता जाणवली नाही. नांदेड शहरासह जिल्ह्यात नवीन वर्षाच्या पहिल्याच आठवड्यात तापमानात चढ-उतार दिसून आले. गेल्या आठवड्याच्या सुरुवातील किमान तापमान १० अंशावर होते. यानंतर नवी वर्षाच्या पहिल्याच दिवशी तापमानात घसरण दिसून आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
