Nagpur News : मागणीच्या तुलनेत कमी होणाऱ्या पुरवठ्यामुळे अंडी राज्याच्या काही भागात ६३० ते ६५० रुपये प्रति शेकडा दराने विकली जात आहेत. अंड्यातील तेजी यापुढील काळातही कायम राहील, असा विश्‍वास या क्षेत्रातील जाणकारांनी व्यक्‍त केला आहे.
राज्यात सुमारे ९ लाखांवर पोल्ट्री व्यावसायिक आहेत. यातील बहुतांश व्यवसाय हे ब्रॉयलर प्रकारातील आहेत. लेअर पोल्ट्री व्यावसायिकांची संख्या तुलनेत कमी आहे. त्यामुळे राज्याची गरज भागविण्याकरिता हैदराबादसह देशाच्या इतर भागांतूनही महाराष्ट्रात अंडी पोहोचतात.
राज्याची रोजची अंडी मागणी साधारणपणे एक कोटी इतकी असल्याचे नॅशनल एग्ज को-ऑर्डिनेशन कमिटीचे राज्य समन्वयक श्‍याम भगत यांनी सांगितले. गेल्या काही वर्षांत छोट्या लेअर पोल्ट्री व्यावसायिकांचे अर्थकारण प्रभावित झाले. त्यामध्ये मका दर ३२ रुपये किलोवर गेल्याने पशुखाद्याच्या दरात झालेली वाढ व इतर अनेक प्रकारच्या घटकांच्या दरातील वाढ हे मुख्य कारण सांगितले जाते.
अपेक्षित नफा या व्यवसायातून मिळत नसल्याने अनेक छोट्या लेअर पोल्ट्री व्यावसायिकांनी या व्यवसायातून माघार घेतली. त्यामुळे राज्याची अंडी उत्पादकता देखील प्रभावित झाली आहे. त्यामुळे अंडी दर तेजीत आल्याचे सांगितले जाते. काही महिन्यांपूर्वी ३०० रुपये शेकडा असे अंड्यांचे दर होते. त्यामुळे पोल्ट्री व्यावसायिक अडचणीत आले होते. आता हे दर ६३० ते ६५० रुपयांवर पोहचले आहेत.
त्याच्यासोबतच मका दरही ३२ रुपये किलोवरून २२ रुपयांवर आले आहेत. त्यामुळे प्रति अंडी उत्पादकता खर्चातही कपात झाली आहे. दरम्यान दरही तेजीत आल्याने यापूर्वी झालेल्या नुकसानीची भरपाई वाढलेल्या दराच्या माध्यमातून काही अंशी करणे शक्‍य झाले आहे. त्यामुळे लेअर पोल्ट्री व्यावसायिकांना दिलासा मिळाला आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.