Crop Insurance Akola News : उपमुख्यमंत्र्यांनी शेतकऱ्यांच्या मागण्या व पंतप्रधान पीकविमा योजनेबाबत बैठक घेत कार्यवाही न केल्यामुळे शेतकऱ्यांना न्याय मिळाला नाही. यामुळे पंतप्रधान पीकविमा योजनेच्या प्रचाराचे वाहन दिसताक्षणी फोडण्याचा इशारा शेतकरी पुत्रांनी दिला आहे.
उरळ (ता.बाळापूर) येथील गोपाल पोहरे व त्यांच्या सहकाऱ्यांनी याबाबत जिल्हा अधिक्षक कृषी अधिकाऱ्यांमार्फत शासनाला निवेदन दिले.
याबाबत म्हटले आहे, की खरीप, रब्बी हंगामात जिल्हाभरात पंतप्रधान पीकविमा योजनेचा प्रचार रथ शेतकऱ्यांनी सदर योजनेत सहभागी होण्यासाठी फिरवला जातो. शेतकऱ्यांना सहभागी होण्याचे आवाहन केले जाते.
मागील खरीप हंगामात हजारो शेतकऱ्यांच्या पिकांचे अतोनात नुकसान झाले. अजूनपर्यंत पीकविम्याचे पैसे मिळाले नाहीत. Crop Insurance Scheme
प्रशासनाने पालकमंत्र्यांसोबत बैठक घालून देण्याचे व पीक विमा योजनेचा जिल्ह्यातील शेतकऱ्यांना लाभ मिळवून देण्याचे आश्वासन दिले.
योजनेच्या प्रचार वाहनाला दिसताक्षणी फोडणार असल्याचा इशारा देण्यात आला. तरी पीकविम्याचा प्रश्न तातडीने मार्गी लावावा, अशी मागणी या शेतकरी पुत्रांनी केली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
