Sangli News : शिराळा तालुक्याच्या पश्चिम भागासह धरण पाणलोट क्षेत्रात गेले चार दिवसांपासून पावसाची संततधार सुरू आहे. वारणा धरण पाणलोट क्षेत्रात सलग चौथ्या दिवशीही अतिवृष्टी झाली आहे. वारणा धरणातील पाणीसाठा झपाट्याने वाढ असून १७. १५ टीएमसी इतका पाणीसाठा झाला आहे. जिल्ह्याच्या इतर भागांत पावसाने उसंत घेतली आहे. कधी ढगाळ तर कधी ऊन असे वातावरण आहे.
शिराळा तालुक्यात पावसाचा जोर कमी झाला असला तरी, चांदोली, शेडगेवाडी, चरण, आरळा या भागात जोर कायम आहे. रात्रीच्या वेळी मुसळधार पाऊस पडत आहे. वारणा धरण पाणलोट क्षेत्रात चोवीस तासांत ९९ मिलिमीटर इतक्या पावसाची नोंद झाली आहे. वारणा धरण पाणलोट क्षेत्रात एक जूनपासून गुरुवारअखेर (ता. १९) ४५८ मिलिमीटर इतक्या पावसाची नोंद झाली आहे.
धरणात पाण्याची आवक ११,९३९ क्युसेक होत आहे. वारणा जलविद्युत प्रकल्प सुरू करून एका जनित्राच्या माध्यमातून वीजनिर्मिती करून १,२१९ क्सुसेकने विसर्ग नदीपात्रात सोडला जात आहे.
त्यामुळे वारणा नदीच्या पाणी पातळीत काही प्रमाणात वाढ झाली आहे. दरम्यान, वारणा धरण पाणलोट क्षेत्रात बुधवारी (ता. १८) ६९ मिलिमीटर तर, मंगळवारी (ता. १७) ११३ मिलिमीटर इतक्या पावसाची नोंद झाली आहे.
जिल्ह्यातील इतर भागात पावसाने उघडीप दिली आहे. अधूनमधून हलका पाऊस पडत आहे. दुष्काळी पट्ट्यातील जत तालुक्यात पावसाने उसंत घेतली आहे. त्यामुळे शेतकऱ्यांना काही अंशी दिलासा मिळाला आहे. अनेक भागांत खरिपाच्या पेरण्यांना गती आली असल्याचे चित्र आहे. तर काही भागांत पूर्व मशागतीची कामे शेतकऱ्यांनी हाती घेतली आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.