Heavy Rain Marathwada : मराठवाड्यातील ५७ मंडलांत अतिवृष्टी

Chh. Sambhajinagar News : मध्यंतरी मराठवाड्यात कुठे आहे तर कुठे नाही, कुठे प्रदीर्घ ओढ देणारा पाऊस गुरुवारी (ता. २६) सकाळपर्यंतच्या २४ तासात मात्र अनेक भागात सक्रिय झाल्याची स्थिती आहे.

छत्रपती संभाजीनगर, जालना, नांदेड व हिंगोली या चार जिल्ह्यांतील तब्बल ५७ मंडलांत गुरुवारी सकाळपर्यंतच्या २४ तासात अतिवृष्टी नोंदली गेली. तर दुपारपर्यंत अनेक ठिकाणी रिमझिम पाऊस सुरूच होता, अशी माहिती आहे.

माहितीनुसार, की नांदेड जिल्ह्यात गुरुवारी सकाळपर्यंतचे २४ तासात सर्वाधिक सरासरी ६०.३ मिलिमीटर पाऊस झाला. त्या पाठोपाठ हिंगोली जिल्ह्यात सरासरी ४८.१ मिलिमीटर, छत्रपती संभाजीनगरमध्ये २६.२ मिलिमीटर, जालन्यात २४.१ किलोमीटर, परभणीत सरासरी २२.१ मिलिमीटर इतक्या पावसाची नोंद झाली.

बीड, लातूर, धाराशिव जिल्ह्यात पावसाचा जोर कमीच होता. बीड जिल्ह्यात सरासरी १.२ मिलिमीटर, लातूरमध्ये ४.१ मिलिमीटर, धाराशिवमध्ये सरासरी ०.३ मिलिमीटर पाऊस झाला.

छत्रपती संभाजीनगर जिल्ह्यातील ५ मंडळात अतिवृष्टी झाली. तर नांदेड जिल्ह्यात सर्वाधिक ४६ मंडलांत, तर हिंगोली जिल्ह्यातील दहा मंडळात अतिवृष्टीची नोंद झाली. अनेक भागांत मोठ्या आलेला हा पाऊस खरीप पिकासाठी जीवदान देणारा ठरला आहे. अनेक ठिकाणी रात्रभर पावसाची रिमझिम सुरू होते.

जिल्हानिहाय अतिवृष्टीची मंडळे व पाऊस (मिलिमीटरमध्ये)

छत्रपती संभाजीनगर

पिशोर ७७.२५

नाचनवेल ९८.५०

करंजखेड १०१.५०

भराडी ७६

बाबरा ८१.५०

जालना जिल्हा

धावडा ६६.२५

अनवा ६५.२५

वरुड ७६.५०

हिंगोली जिल्हा

वाकोडी ७८.५०

आखाडा ९४.२५

डोंगरकडा ७०.७५

वारंगा ६७.५०

वसमत ६६

आंबा ६६

हयातनगर ६६

गिरगाव ६७

टेंभुर्णी ६६

कुरुंदा ७३.७५