Pune News: पुणे जिल्ह्याच्या पश्चिम पट्ट्यातील घाटमाथ्यावर मुसळधार पाऊस कोसळत आहे. शुक्रवारी (ता. २०) सकाळी आठपर्यंत ताम्हिणी घाटमाथ्यावर सर्वाधिक ३७० मिलिमीटर पाऊस पडल्याची नोंद झाली आहे. तर मुळशी धरणक्षेत्रात ३६० मिलिमीटर पाऊस पडला असून इतर धरणक्षेत्रात चांगलाच पाऊस झाला आहे.
त्यामुळे जिल्ह्यातील धरणांत मागील चोवीस तासांमध्ये आतापर्यंतची सर्वाधिक १२.१४ टीएमसी एवढ्या पाण्याचा येवा दाखल झाला आहे.गेले दोन ते तीन दिवसांपासून घाटमाथ्यावर जोरदार पाऊस पडत आहे. शिरगाव घाटमाथ्यावर ३६० मिलिमीटर, तर दावडी २५०, लोणावळा टाटा २०५, तर डुंगरवाडी २००, लोणावळा ग्रामीण १९३, आंबोणे १८४ मिलिमीटर पाऊस पडला.
त्यामुळे तर भात खाचरे तुंडुंब भरली आहेत. ओढे, नाले भरून वाहत असून धरणांतील पाणी पातळीत वेगाने वाढ होत आहे. मागील आठ ते दहा दिवसांपासून या भागात पाऊस पडत आहे. पावसाचे प्रमाण कमीअधिक होत असले तरी धरणांतील पाण्याच्या आवकेत वाढ होताना दिसून येत आहे.
एक जूनपासून ते आतापर्यंत जिल्ह्यातील धरणांत ४६.१२ टीएमसी पाण्याची आवक झाली आहे. तर मुळशी धरणात एका दिवसात १.४० टीएमसी एवढ्या पाण्याचा येवा दाखल झाला आहे. त्यामुळे या धरणांत ६.४१ टीएमसी एवढा उपलब्ध पाणीसाठा झाला आहे.
मुठा खोऱ्यातील टेमघर, वरसगाव, पानशेत आणि खडकवासला धरणक्षेत्रात संततधार पडत असलेल्या पावसामुळे मागील चोवीस तासांमध्ये २.२७ टीएमसी एवढा पाणीसाठा दाखल झाला आहे. तर खडकवासला धरण जवळपास ७८ टक्के भरल्याने मुठा नदीमध्ये विसर्ग सोडण्यात आला आहे. इतर धरणांत पाणीसाठा कमी आहे.
निरा खोऱ्यातील धरणक्षेत्रात पावसाचे प्रमाण अधिक आहे. त्यामुळे मागील चोवीस तासांमध्ये या खोऱ्यातील धरणात ३.२५ टीएमसी एवढा पाणी साठा दाखल झाला आहे. पवना, कासारसाई, कळमोडी, चासकमान, भामा आसखेड, आंध्रा, वडीवळे, गुंजवणी, भाटघर, निरा देवघर, वीर धरणांत पाण्याची आवक सुरू आहे. तर वीर, वडीवळे, कळमोडी, कासारसाई ही धरणे जवळपास ७५ टक्क्यांहून अधिक भरली असून पाण्याचा विसर्ग सोडण्यात येत आहे.
कुकडी खोऱ्यातील धरणक्षेत्रात पावसाचे प्रमाण कमीअधिक आहे. त्यामुळे पिपळगाव जोगे, माणिकडोह, येडगाव, वडज, डिंभे, चिल्हेवाडी, घोड या धरणांत फारशी आवक नसली तरी घोड धरणांत ७८ टक्के पाणीसाठा झाला आहे. तर उजनी धरणात मुळा, मुठा नदीतून पाण्याचा विसर्ग सुरू असल्याने या धरणांतील पाणीसाठा ३३.३१ टीएमसी म्हणजेच ६२ टक्क्यांवर पोहोचला आहे.
शुक्रवारी (ता.२०) सकाळी आठपर्यंत धरणक्षेत्रनिहाय झालेला पाऊस (मिलिमीटरमध्ये)
मुळशी ३६०, टेमघर १३२, वरसगाव १३१, पानशेत १४०, खडकवासला ८२, पवना ११९, कासारसाई ७०, कळमोडी १२३, चासकमान ६९, भामा आसखेड ४८, आंध्रा ११९, वडीवळे १३१, नाझरे २२, गुंजवणी १३६, भाटघर ४८, निरा देवघर ६८, वीर २०, पिंपळगाव जोगे ३९, माणिकडोह ७५, येडगाव ३०, वडज ६२, डिंभे ५९, चिल्हेवाडी ४९, घोड ४, विसापूर १, उजनी १
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.