Kolhapur News: शिरोळ तालुक्यात गेल्या चार दिवसांपासून भाग बदलून सुरू असणाऱ्या जोरदार वाऱ्यासह मुसळधार पावसामुळे ऊस पीक जमीनदोस्त झाले आहे. जवळपास बारा ते पंधरा कांड्यांचा ऊस जमीनदोस्त झाला असून याचा उत्पादनावर दुष्परिणाम होणार आहे. साखर कारखाने कधी सुरू होणार हे अद्याप अनिश्चित असताना परतीच्या पावसाने शेतकऱ्यांना मोठा फटका बसणार आहे. .मॉन्सूनपूर्व पावसाने शिरोळ तालुक्यातील पिकांची दयनीय अवस्था केली होती. मे महिन्याच्या शेवटी झालेल्या जोरदार पावसामुळे मशागतीची कामे ठप्प होती. याशिवाय जवळपास दोन ते तीन आठवडे शेतीची कामे करणे देखील शक्य झाले नव्हते. पावसाळ्याच्या हंगामात तालुक्यात जेमतेम पावसामुळे ऊस पिकासह आणि पिकांना देखील काही प्रमाणात फायदा झाला होता..Sugarcane Crop Damage : हंगामाच्या प्रारंभीच उसाला तुरे; उत्पादन घटण्याची शक्यता, शेतकऱ्यांना आर्थिक फटका.जेमतेम पावसामुळे सोयाबीनच्या उत्पादनात चांगली वाढ झाली होती, मात्र ढगाळ वातावरण, हुमणी आदी कारणांमुळे सध्या ऊस उत्पादक शेतकरी संकटात आहेत. असे असतानाच गेल्या दोन दिवसांपासून सुरू असणाऱ्या सोसाट्याच्या वाऱ्यासह मुसळधार पावसामुळे ऊस पीक जमीनदोस्त झाले आहे. .तालुक्यात गेल्या चार दिवसांपासून भाग बदलून पाऊस हजेरी लावत आहे. दरवर्षी पीक काढणीच्या वेळी परतीच्या पावसामुळे शेतकऱ्यांचे अतोनात नुकसान होत आहे. सध्या सोयाबीन, भुईमूग, उडीद अशी पिके काढणीला आली असताना सुरू असणाऱ्या मुसळधार पावसाने या पिकांचे नुकसान झाले आहे. परतीच्या पावसाचा ऊस पिकाला देखील फटका बसणार आहे. .Sugarcane Agriculture Damage : उसाला तुरे फुटले तरी साखर कारखाने बंदचं, कोल्हापूर जिल्ह्यातील शेतकरी अडचणीत.दसऱ्याच्या हंगामावर पावसाचे पाणी गेल्या चार दिवसांपासून सुरू असणाऱ्या मुसळधार पावसामुळे झेंडूसह इतर फूलशेती धोक्यात आली आहे. सरीमध्ये पाणी भरून राहिल्याने मुळे कुमकुवत होऊन पिके वाऱ्याने पडू लागली आहेत. यामुळे दसऱ्याचा हंगाम साधण्यासाठी लावलेला फूल शेती संकटात आली आहे. पीक झुकल्याने आता काठ्यांचा आधार घेऊन फूल शेती जगवण्याची वेळ शेतकऱ्यांवर आली आहे. .दिवाळीच्या दरम्यान साखर कारखाने सुरू होणार आहेत. मात्र गेल्या दोन दिवसांपासून सुरू असणाऱ्या सोसाट्याच्या वाऱ्यासह मुसळधार पावसामुळे ऊस पीक पूर्णपणे जमीनदोस्त झाले आहे. याचा उत्पादनावर परिणाम होणार आहे. पर्यायाने शेतकऱ्यांचे उत्पन्न घटणार आहे. - धनाजी मोरे, शेतकरी, कुटवाड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
