कृष्णा काळे
ग्लूटेनमुक्त आहारासाठी नाचणी हा एक उत्तम पर्याय आहे. अँटिऑक्सिडंट्समध्ये समृद्ध असल्याने त्वचेसाठी खूप फायदे होतात. त्वचा तरुण आणि तेजस्वी राहते. वजन कमी करण्यासाठी नाचणी हे एक उत्कृष्ट अन्न आहे. त्यातील उच्च प्रथिने भूक वेदना कमी करण्यास मदत करतात.
नाचणी हे निरोगी केसांसाठी आवश्यक पोषक तत्त्व आहे.यामध्ये लोह आणि जस्त चांगल्या प्रमाणात आहे. नियमितपणे नाचणी आहारात असेल तर हाडे आणि दात मजबूत होतात. नाचणीतील कॅल्शिअममुळे फ्रॅक्चर आणि ऑस्टिओपोरोसिसचा धोका कमी होण्यास मदत होते.
नाचणीमधील तंतुमय घटक चांगल्या प्रमाणात असल्याने योग्य पचन आणि चयापचय वाढविण्यात मदत होते. गरोदर स्त्रियांसाठी नाचणी हा उत्तम आहार आहे. नाचणी हा लोहाचा उत्कृष्ट स्रोत आहे. लाल रक्तपेशी निर्माण करण्यासाठी आवश्यक आहे, ॲनिमियाशी लढण्यास मदत करतो.
नाचणी मधुमेहाच्या व्यवस्थापनासाठी उपयुक्त आहे. नाचणीमध्ये अनेक फायटोकेमिकल्स असतात ज्यात कर्करोगविरोधी गुणधर्म असल्याचे आढळून आले आहे. लहान मुले तसेच वाढत्या मुलांसाठी उत्कृष्ट आहार आहे. यामध्ये प्रथिने, कॅल्शिअम, लोह, जस्त आणि इतर आवश्यक पोषक तत्त्वे भरपूर प्रमाणात असतात.
नाचणीचे माल्ट, पीठ विविध प्रक्रिया पदार्थांच्या निर्मितीसाठी वापरता येते. नाचणीमध्ये सोडियम, कोलेस्ट्रॉल नसते. यातील जीवनसत्त्वे आणि तंतूमय घटक चांगल्या एचडीएल कोलेस्टेरॉलची पातळी वाढवण्यास आणि हृदयाच्या रक्तवाहिन्यांमधील फॅटी डिपॉझिट कमी करण्यास मदत करतात.
पौष्टिक घटक प्रति १०० ग्रॅम
ऊर्जा ३२० किलो कॅलरी
प्रथिने ७ ग्रॅम
कर्बोदके ६७ ग्रॅम
तंतूमय घटक ११ ग्रॅम
कॅल्शिअम ३६४ मिग्रॅ
लोह ४.६२ मिग्रॅ
कृष्णा काळे, ८८०५९६८५३६
(अन्नप्रक्रिया तज्ज्ञ आहेत.)
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.