Samruddha Gram Competition: मुख्यमंत्री समृद्ध ग्राम स्पर्धेसाठी ग्रामपंचातींनी सज्ज व्हावे

Pune News: स्वच्छ, सुंदर व प्लॅस्टिकमुक्त महाराष्ट्रासाठी ग्रामपंचायतींनी महत्त्वाची भूमिका बजावावी व शासनामार्फत लवकरच राबविण्यात येणाऱ्या मुख्यमंत्री समृद्ध ग्राम स्पर्धेत सहभागी होण्यासाठी सज्ज व्हावे, असे आवाहन ग्रामविकास व पंचायतराज मंत्री जयकुमार गोरे यांनी केले.

विभागीय आयुक्त कार्यालयात आयोजित निर्मल वारीचा प्रारंभ तसेच राष्ट्र संत तुकडोजी महाराज स्वच्छ ग्राम स्पर्धा, संत गाडगेबाबा ग्रामस्वच्छता अभियान व महाआवास योजनेतील पुरस्कार वितरण सोहळ्यात मंत्री गोरे बोलत होते. या वेळी विभागीय आयुक्त डॉ. चंद्रकांत पुलकुंडवार, जिल्हा परिषदेचे मुख्य कार्यकारी अधिकारी गजानन पाटील, अतिरिक्त मुख्य कार्यकारी अधिकारी चंद्रकांत वाघमारे, अपर आयुक्त नितीन माने, विजय मुळीक उपस्थित होते.

मंत्री गोरे म्हणाले, ‘‘आषाढी वारीमध्ये वारकऱ्यांना सर्व सुविधा उपलब्ध करून देण्यासाठी शासनाने पुरेसा निधी उपलब्ध करून दिला असून पालखीतळ व मार्गावर स्वच्छतेवर भर देण्यात येत आहे.

राष्ट्र संत तुकडोजी स्वच्छ ग्राम स्पर्धेतील विजेत्या ग्रामपंचायती :

प्रथम : शेळकेवाडी (करवीर, कोल्हापूर), द्वितीय : बोरगाव (कवठे महांकाळ, सांगली), तृतीय : कवठे (खंडाळा, सातारा)

संत गाडगेबाबा ग्राम स्वच्छता अभियान विशेष पुरस्कार :

स्व. वसंतराव नाईक पुरस्कार - दरेवाडी (सातारा), डॉ. बाबासाहेब आंबेडकर पुरस्कार - ग्रामपंचायत सांडगेवाडी (सांगली), स्व. आबासाहेब खेडकर पुरस्कार - गोयेगाव (सोलापूर)

संत गाडगेबाबा ग्रामस्वच्छता अभिमान जिल्हास्तरीय पुरस्कार :

ग्रामपंचायत गावडेवाडी (प्रथम ः ६ लाख), मांजरी खुर्द (द्वितीय : ४ लाख), सदोबाची वाडी (तृतीय : ३ लाख रुपये)

विशेष पुरस्कारप्राप्त ग्रामपंचायती

स्व. वसंतराव नाईक पुरस्कार - चिंचोली (जुन्नर, जि. पुणे)

डॉ. बाबासाहेब आंबेडकर पुरस्कार - ग्रामपंचायत टाकवे खु.(मावळ, जि. पुणे)

स्व. आबासाहेब खेडकर पुरस्कार - मांजरवाडी (जुन्नर, जि. पुणे)