Yavatmal News : यवतमाळ जिल्ह्यातील १७ पैकी १५ बाजार समित्यांचा निवडणूक कार्यक्रम जाहीर झाला आहे. यंदा १५ ही बाजार समितीत २० हजार १७५ मतदारांची मतदार यादी निश्‍चित झाली आहे. यात साडेआठ हजार मतदार ग्रामपंचायत सदस्य आहेत.
त्यामुळे यंदाच्या निवडणुकीत सहकारी संस्था, व्यापारी-अडते, हमाल-मापारी यांच्यासोबतच ग्रामपंचायत सदस्यांची भूमिका बाजार समिती निवडणुकीत (Market Committee Election) निर्णायक असणार आहे.
कृषी उत्पन्न बाजार समितीच्या निवडणुकीचा (Agriculture Produce Market Committee) बिगूल वर्षभरानंतर वाजला आहे. न्यायालयाच्या आदेशानुसार ३० एप्रिलपर्यंत निवडणुका घेणे बंधनकारक आहे. त्यानुसार सहकारी निवडणूक प्राधिकरणाने बाजार समिती निवडणुकीचा कार्यक्रम जाहीर केला आहे.
यंदा होणाऱ्या निवडणुकीत शेतकऱ्यांनाही उभे राहण्याचा अधिकार मिळाला आहे. त्यामुळे उमेदवारांची संख्या मोठी आहे. आतापर्यंत १५ बाजार समितीत ३०४ नामांकन दाखल झाले आहे.
सहकार विभागाने मतदारयादी निश्‍चित केली आहे. यात ५२५ सहकारी संस्थेतील सहा हजार ५८१, एक हजार २३ ग्रामपंचायतीमधील आठ हजार ४५५, एक हजार ४१० व्यापारी, दोन हजार १०१ हमाल मापारी मतदारांचा समावेश आहे.
नामांकनासोबत तहसीलदार किंवा तलाठी यांचा शेतकरी तसेच रहिवासी दाखल जोडणे बंधनकारक आहे.
नामांकन अर्जासोबत जात वैधता प्रमाणापत्र बंधनकारक करण्यात आले होते. त्यामुळे राखीव प्रवर्गातील उमेदवार अडचणीत येण्याची शक्यता होती.
यात शासनाने उमेदवारांना दिलासा दिला आहे. आता निवडून आल्यानंतर १२ महिन्यात जात वैधता प्रमाणपत्र सादर करता येणार आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
