Beed News : जिल्ह्यातील राष्ट्रीय महामार्गातील अडथळे, समस्या सोडविण्यासंदर्भात जिल्ह्याचे खासदार बजरंग सोनवणे यांनी केंद्रीय मंत्री नितीन गडकरी यांची भेट घेतली. यावेळी दोघांत रस्ते विकासाच्या मुद्द्यांवर तासभर चर्चाही झाली. जिल्ह्यातील दळणवळण गतीमान करण्यासाठी महत्वाच्या राज्यमार्गांची दर्जोन्नती करण्यासाठी प्रस्ताव मागविणार असल्याची ग्वाही मंंत्री गडकरींनी दिली.
जिल्ह्यात दळणवळण अधिक सोयीचे व्हावे, यासाठी खासदार बजरंग सोनवणे हे रेल्वे आणि राष्ट्रीय महामार्गाच्या विषयावर पाठपुरावा करत आहेत. जिल्ह्यातील राष्ट्रीय महामार्गांच्या विषयात सभागृहात आवाज उठविला होता. याबाबत त्यांनी नुकतीच केंद्रीय मंत्री नितीन गडकरी यांची दिल्ली येथील कार्यालयात जावून भेट घेतली.
बर्दापूर ते लोखंडी सावरगाव आणि अहमदपूर-पठाण मांडवा-अंबाजोगाई-लोखंडी सावरगाव-केज ते मांजरसुंबा हे दोन्ही रस्ते ४ पदरी दुहेरी वाहतुकीचे करणे. पिठ्ठी-अंमळनेर-टाकळी काझी तसेच उमापूर फाटा ते शेवगाव हे राज्य महामार्ग राष्ट्रीय महामार्गामधे दर्जोन्नत करणे,
खरवंडी ते नवगण राजुरी हा राष्ट्रीय महामार्ग लवकर पूर्ण करणे तसेच या कामाच्या दर्जाबाबतच्या तक्रारी लक्षात घेऊन जबाबदार अधिकारी व कंत्राटदार यांचेवर कारवाई करणे, शेगाव ते पंढरपूर रस्ता धारुर घाटातील रुंदीकरण व चढण कमी करण्याच्या प्रस्तावास मान्यता देणे, अशा मागण्याची निवेदने सादर करण्यात आली.
यावेळी केंद्रीय मंत्री नितीन गडकरी यांनी राज्यमार्ग दर्जोन्नतीसाठी प्रस्ताव मागवून घेऊन कार्यवाही करण्यात येईल तसेच राष्ट्रीय महामार्गातील समस्यांचे निराकरण करू, असा विश्वास केंद्रीय मंत्री गडकरी यांनी दिला.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.