News: देशांतर्गत सराफा बाजारात सलग पाच दिवसांच्या घसरणीनंतर आज (ता.१७) सोन्याच्या दरात मोठी वाढ झाली आहे. ह्यामुळे गुंतवणूकदारांचे लक्ष पुन्हा सोन्याकडे वळले आहे. दिल्ली सराफा बाजारात २४ कॅरेट सोन्याचा दर प्रति १० ग्रॅम १ लाख ५८ हजार ७७० रुपयांवर पोहोचला आहे. महाराष्ट्रातही १ तोळा सोन्याचा भाव सुमारे १.५८ लाखांच्या पार गेला आहे. अमेरिका–इराण तणाव आणि डॉलरमधील चढ-उतारामुळे ही वाढ झाल्याचे तज्ज्ञांचे मत आहे. यासोबतच चांदीच्या दरातही वाढ नोंदवली गेली आहे..प्रती तोळा १ हजार २०० रुपयांची वाढ…गुडरिटर्न (Goodreturns) या फायनान्शियल न्यूज पोर्टलच्या आकडेवारीनुसार, दिल्लीच्या सराफा बाजारात आज २४ कॅरेट सोन्याच्या दरात प्रति १० ग्रॅम १ हजार २०० रुपयांची वाढ होऊन तो १ लाख ५८ हजार ७७० रुपयांवर पोहोचला आहे. तसेच २२ कॅरेट सोनं १ लाख ४५ हजार ५५० रुपये प्रति १० ग्रॅम, तर १८ कॅरेट सोनं १ लाख १९ हजार १२० रुपये प्रति १० ग्रॅम दराने विकले जात आहे..Gold Silver Price Today: अर्थसंकल्पाआधी सोन्याच्या दरात मोठी घसरण; प्रति तोळा ८ हजार ६२० स्वस्त.चांदीचा भाव ५ हजार रुपयांनी वाढला…सोन्याबरोबरच चांदीच्या दरातही आज वाढ नोंदवली गेली आहे. दिल्लीमध्ये चांदीचा भाव तब्बल ५ हजार रुपयांनी वाढून प्रति किलो २ लाख ७५ हजार रुपयांवर पोहोचला आहे. मात्र चांदीचे दर तुलनेने स्थिर असल्याचे दिसून येत आहे..राज्यातील सोन्याचा दर…महाराष्ट्रातही सर्व प्रमुख शहरांमध्ये सोन्याच्या दरात वाढ झाली आहे. मुंबई, पुणे, नागपूर, कोल्हापूर, छत्रपती संभाजीनगर, नाशिक आणि जळगाव या शहरांमध्ये २४ कॅरेट सोन्याचा भाव प्रति तोळा सुमारे १ लाख ५८ हजार ६२० रुपये असून प्रति ग्रॅम १५ हजार ८६२ रुपये आहे. दागिन्यांसाठी वापरल्या जाणाऱ्या २२ कॅरेट सोन्याचा दर प्रति तोळा १ लाख ४५ हजार ४०० रुपये आणि प्रति ग्रॅम १४ हजार ५४० रुपये इतका आहे. तर १८ कॅरेट सोनं प्रति ग्रॅम ११ हजार ८९७ रुपयांवर व्यवहार करत आहे..Gold Silver Price Today: सोने- चांदी दरात घसरण, आजचा प्रतितोळ्याचा दर काय?.राज्यात चांदीचा दर सुमारे २ लाख ७५ हजार रुपये प्रति किलो इतका आहे. मल्टी कमोडिटी एक्स्चेंज (MCX) वरही सोन्याच्या दरात सुमारे १ हजार ६०० रुपयांची वाढ होऊन तो प्रति १० ग्रॅम १ लाख ५७ हजार ३०० रुपयांवर पोहोचला आहे..दरम्यान, जागतिक घडामोडी आणि आर्थिक अनिश्चिततेमुळे सोन्याच्या दरात पुन्हा तेजी दिसून येत असून, आगामी काळात दर आणखी वाढण्याची शक्यता व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
