Amaravati News : संततधार पावसाच्या परिणामी संत्रा बागांमध्ये पाणी साचल्याने बुरशीजन्य रोगांचा प्रादुर्भाव वाढला आहे. त्याच कारणामुळे संत्रा-मोसंबी बागांमध्ये फळांची मोठ्या प्रमाणावर गळ होत असल्याने शेतकऱ्यांची चिंता वाढली आहे.
राज्यात सुमारे दीड लाख हेक्‍टरवर संत्रा लागवड आहे. त्यातील एक लाख हेक्‍टर क्षेत्र एकट्या अमरावती जिल्ह्यात असून, २५ हजार हेक्‍टर नागपूर, तर २५ हजार उर्वरित महाराष्ट्रात क्षेत्र आहे. वरुड, मोर्शी हे दोन तालुके संत्रा लागवड व उत्पादनासाठी राज्यात प्रसिद्ध आहेत. त्यामुळेच या भागाला विदर्भाचा कॅलिफोर्नियाही म्हटले जाते.
मात्र संत्रापट्ट्यात गेल्या पंधरा दिवसांपासून पावसाची संततधार होती. सध्या झाडावर आंबिया बहरातील फळे असून, ती लिंबापेक्षा थोड्या मोठ्या आकाराची आहेत. पावसामुळे बागेत मशागतीसह इतर कोणतीच कामे करणे शक्‍य झाले नाही. त्याच्याच परिणामी बागेत बुरशीजन्य रोगांचा प्रादुर्भाव वाढला.
त्यातूनच फळाच्या देठाजवळील भाग सुरुवातीला पिवळा आणि नंतर काळवंडत असे फळ नंतर गळून पडत असल्याचे चित्र आहे. वरुड तालुक्‍यातील वघाळ, राजुरा बाजार, आलोडा, नांदगाव, हातुर्णा, गाडेगाव, वंडली, भापकी, बेलोरा, लोणी, अमडापूरसह सर्वच भागांत ही समस्या गंभीर झाली आहे. होणारी गळ पाहता झाडांवर फळे राहतील की नाही या बाबतही शेतकरी साशंक आहेत.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.