Solapur News : विविध योजनेतून घरकुल मंजूर झालेल्या लाभार्थ्यांना पाच ब्रासपर्यंत मोफत वाळू उपलब्ध करून दिली जात आहे. पहिल्या टप्प्यात जप्त केलेली ५८१ ब्रास वाळू ४५० लाभार्थ्यांना देण्यात आली आहे.
या शिवाय घरकुलाच्या लाभार्थ्यांसाठी स्वतंत्र वाळू गट ठेवून वाळू देण्याचे नियोजन केले जात आहे जिल्ह्यातील ९३ गावांमधील ७६ हजार ५२१ लाभार्थ्यांना घरकुलासाठी वाळू उपलब्ध करून दिली जाणार आहे.
सर्व्हेक्षण करून घरकुलाच्या लाथार्थ्यांसाठी ४१५ वाळू गट निश्‍चित केले आहेत. घरकुल लाभार्थ्यांसाठी ८५ वाळू घाट निश्‍चित केले आहेत. या ८५ वाळू घाटांना तालुकास्तरीय समितीनेही मान्यता दिली आहे.
केंद्र व राज्य सरकारकडून मोठ्या प्रमाणात घरकुल मंजूर केले जात आहेत. घरकुल मंजूर झाले परंतु घरकुलाचे बांधकाम होत नाही, असे चित्र समोर आले होते. घरकुल कशामुळे बांधले जात नाही?,
याची माहिती घेतल्यानंतर जागा नसणे आणि बांधकामासाठी वाळू उपलब्ध न होणे, अशी दोन कारणे समोर आली आहेत. लाभार्थ्यांना जागा व वाळू दोन्ही देण्यासाठी जिल्हा प्रशासनाने सुक्ष्म नियोजन केले आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.