Flood Threat Pandharpur : पंढरपुरातील पुराचा संभाव्य धोका तूर्त टाळला

Ujani Dam Water Release : मागील आठवड्यात पुणे जिल्ह्यात मुसळधार पाऊस झाला होता. त्यामुळे उजनी धरण ७६ टक्के भरले. त्यामुळे उजनी धरणातून भीमेत आणि वीर धरणातून नीरेत सोडलेल्या पाण्यामुळे ऐन आषाढी यात्रेत चंद्रभागेला पुराची शक्यता निर्माण झाली.
Pandharpur Flood Threat
Pandharpur Flood ThreatAgrowon
Published on
Updated on

Solapur News : उजनी आणि वीर धरणातून सोडण्यात आलेल्या पाण्याच्या विसर्गामुळे पंढरपुरात चंद्रभागा नदी दुथडी भरून वाहत आहे. परंतु योग्य नियोजनामुळे पंढरपुरातील चंद्रभागेची पाणीपातळी ओसरत आहे.

साधारण एक ते दीड फुटाने नदीची पाणीपातळी कमी झाली आहे, परिणामी, पंढरपुरातील संभाव्य पुराचा धोका सध्यातरी टळला आहे. मागील आठवड्यात पुणे जिल्ह्यात मुसळधार पाऊस झाला होता. त्यामुळे उजनी धरण ७६ टक्के भरले.

Pandharpur Flood Threat
Ashadhi Wari : ‘चंद्रभागे’चा पूरजन्य परिस्थितीचा आराखडा सादर करा ः पुलकुंडवार

त्यामुळे उजनी धरणातून भीमेत आणि वीर धरणातून नीरेत सोडलेल्या पाण्यामुळे ऐन आषाढी यात्रेत चंद्रभागेला पुराची शक्यता निर्माण झाली. पण ही परिस्थिती टाळण्यासाठी जलसंपदा विभागाने उजनीतून पाणी सोडण्याचा निर्णय घेतला.

त्यानुसार दौंडकडून उजनीत येणारा विसर्ग आणि पुढे धरणातून भीमा नदीत सोडावा लागणारा विसर्ग किती असावा, यांचा अंदाज घेऊन पाणी सोडण्यास सुरुवात केली. त्यानुसार टप्प्याटप्प्याने दोन्हींचा विसर्ग नियंत्रित केला गेल्याने पंढरपुरातील पूराचा धोका सध्या टळला आहे.

Pandharpur Flood Threat
Raigad Flood Alert: नद्यांनी ओलांडली इशारा पातळी

शुक्रवारी (ता.२७) पाण्याचा विसर्ग कमी- कमी करत आणला. दौंडकडून उजनीकडे येणारा विसर्ग ९९३६ क्युसेक इतका होता. तर पुढे नदीत येणारा विसर्ग केवळ ६६०० क्युसेक इतका होता. त्यामुळे परिस्थिती नियंत्रणात आली आहे.

उजनीत ७० टक्के पाणीसाठा

उजनी धरणाची एकूण पातळी शुक्रवारी (ता.२७) ४९५.३६० मीटरपर्यंत राहिली. तर पाण्याचा एकूण साठा १००.८७ टीएमसी आणि त्यापैकी उपयुक्त साठा ३७.२१ टीएमसी एवढा राहिला, तर या पाण्याची टक्केवारी ६९.४५ टक्के इतका राहिली.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon - Agriculture News
agrowon.esakal.com