Krishi Seva Kendra Bbhandara : भंडारा जिल्ह्यातील ४ कृषी सेवा केंद्रांचे परवाने निलंबित

Bhandara News : जिल्हा भरारी पथकाच्या अचानक तपासणीदरम्यान साठ्याचा ताळमेळ न बसल्यामुळे भंडारा जिल्ह्यातील ४ कृषी सेवा केंद्रांचे खत परवाने तात्पुरते निलंबित करण्यात आले. प्रभारी जिल्हा अधीक्षक कृषी अधिकारी किशोर पात्रीकर यांच्या नेतृत्वात ही कारवाई करण्यात आली.

कृषी केंद्रांतील प्रत्यक्ष युरिया साठा आणि मशीनवरील नोंदी यामध्ये मोठी तफावत आढळून आल्याने ही कारवाई करण्यात आली आहे. जिल्ह्यात नव्याने नियुक्त करण्यात आलेल्या गुणवत्ता निरीक्षकांनी व्यापक तपासणी केली असून, त्यांनी १३७ किरकोळ विक्रेते व १३ घाऊक विक्रेत्यांची तपासणी पूर्ण केली.

तालुका पातळीवरही गुणवत्ता निरीक्षकांकडून ३१ कृषी केंद्रांना नोटीस बजावण्यात आली असून खुलाशानंतर त्यांच्यावरही पुढील कारवाई अपेक्षित आहे. कृषी विभागाकडून मिळालेल्या माहितीनुसार, योग्य शासकीय निकष पाळणे ही विक्रेत्यांची जबाबदारी असून, साठा अनियमितता अथवा गैरव्यवहार आढळल्यास अशा कठोर कारवाया पुढेही सुरू राहतील, असे स्पष्ट करण्यात आले.

कारवाई झालेली कृषी केंद्रे (परवाने निलंबित कालावधी)

जय भारत कृषी केंद्र, गणेशपूर – १५ दिवस

आर. एम. कृषी केंद्र, नवरगाव – ३० दिवस

परमात्मा एक कृषी केंद्र, मोहदुरा – १० दिवस

पवन कृषी केंद्र, खापा – १५ दिवस