Smart Project
Smart ProjectAgrowon

SMART Project : ‘स्मार्ट’मधून शेतकरी बनतोय उद्योजक

Rural Transformation : स्व. बाळासाहेब ठाकरे कृषी व्यावसायिक व ग्रामीण परिवर्तन (स्मार्ट) प्रकल्पाच्या माध्यमातून शेतकरी आता उद्योजक बनू लागला आहे.
Published on

Amaravati News : स्व. बाळासाहेब ठाकरे कृषी व्यावसायिक व ग्रामीण परिवर्तन (स्मार्ट) प्रकल्पाच्या माध्यमातून शेतकरी आता उद्योजक बनू लागला आहे. शेतीमाल व फळपिकांवर प्राथमिक व दुय्यम प्रक्रिया उद्योग उभारून शेतकऱ्यांना वस्तू उत्पादन करणे आणि बाजारपेठेत विपणन करण्याची सुविधा या प्रकल्पाने उपलब्ध करून दिली आहे.

यामुळे शेतकरी आता स्वतः बाजारपेठेत स्वतः उत्पादित केलेल्या उत्पादनाचे दर ठरवू व विक्री करू लागला आहे. स्मार्ट प्रकल्पांतर्गत अमरावती जिल्ह्याला ३७ शेतकरी उत्पादक कंपनी स्थापण्याचे उद्दिष्ट देण्यात आले आहे. यातील २८ शेतकरी उत्पादक कंपन्यांना मंजुरी देण्यात आली आहे. पहिल्या टप्प्यातील मंजूर कंपन्यांपैकी १० कंपन्यांचे बांधकाम पूर्ण झाले असून उर्वरित १० चे बांधकाम प्रगतिपथावर आहे.

Smart Project
Smart Cotton Project: ‘स्मार्ट कॉटन’ची सत्यकथा

शेतकऱ्यांना उद्योजक बनविणे हा स्मार्ट प्रकल्पाचा खरा उद्देश आहे. त्यासाठी शेतकऱ्यांनी गटाने स्वतःची शेतकरी उत्पादक कंपनी स्थापून त्या माध्यमातून शेतीमालावर प्राथमिक व दुय्यम प्रक्रिया करून उत्पादन निर्मित करावे. त्याच्या विक्रीसाठी बाजारपेठ उपलब्ध करून देण्याची सुविधा स्मार्ट प्रकल्पांतर्गत करून देण्यात आली आहे.

Smart Project
SMART Project : ‘स्मार्ट’अंतर्गत शेतकरी उत्पादक कंपन्यांना ‘बूस्ट’

विविध अन्नधान्य, कडधान्य, गळीतधान्य व फळपिकांवर प्राथमिक प्रक्रियेचे तसेच दुय्यम प्रक्रियेचे उद्योग उभारून शेतकऱ्यांना उद्योजकांच्या पंक्तीत आणण्याचा प्रयत्न आहे. यात चांगले यश आले असून काही शेतकरी उत्पादक कंपन्यांनी कोट्यवधींचा व्यवसाय केला आहे. मोर्शी तालुक्यातील हिवरखेड येथील कृषी प्रेन्यूअर शेतकरी उत्पादक कंपनीने यावर्षी संत्राफळांचा व्यवसाय केला आहे.

लहान व सीमांत शेतकरी तसेच कृषी नवउद्योजकांना केंद्रस्थानी ठेवून शेतमालाच्या स्पर्धात्मक मूल्यसाखळीच्या विकासासाठी स्मार्ट प्रकल्पाची जिल्ह्यात यशस्वी अंमलबजावणी करण्यात येत आहे. जिल्ह्याला ३७ कंपन्यांचे लक्षांक असून १० कंपन्यांचे काम पूर्णत्वाकडे आहे. दोन कंपनीचे प्रत्यक्षात काम सुरू झाले आहे. या प्रकल्पाच्या माध्यमातून नवउद्योजक तयार करण्याचे उद्दिष्ट आहे.
-अर्चना निस्ताने, प्रमुख, जिल्हा अंमलबजावणी कक्ष, स्मार्ट प्रकल्प, अमरावती

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Agrowon - Agriculture News
agrowon.esakal.com