Bhum News : कृष्णा मराठवाडा उपसा सिंचन योजनेच्या पाइपलाइनचे काम भूम तालुक्यात चालू आहे. या योजनेंतर्गत जलवाहिनीमधून रामेश्वर आणि गोरमाळा तलावात पाणी सोडण्याची तरतूद करण्यात यावी, या मागणीसाठी परिसरातील आठ गावांच्या शेतकऱ्यांनी रविवारी (ता. २५) एकत्र येऊन कृष्णा मराठवाडा उपसा सिंचन योजनेचे काम बंद पाडले.
कृष्णा मराठवाडा उपसा सिंचन योजनेंतर्गत हिवर्डा तलाव ते सोनगिरी तलाव या उपसा सिंचन योजनेची जलवाहिनी वरुड, बऱ्हाणपूर, गोरमाळा, कासारी, कृष्णापूर, रामेश्वर, वरूड या भागातून जाते.
परंतु, या आठ गावांना रामेश्वर व गोरमाळा तलावात पाणी सोडले तर या आठ गावांतील शेतकऱ्यांना फायदा होणार आहे. त्यामुळे रामेश्वर, गोरमाळा तलावात कृष्णा मराठवाडा उपसा सिंचन योजनेतील जाणाऱ्या जलवाहिनीमधून या दोन तलावांमध्ये पाणी सोडण्याची तरतूद करण्यात यावी अन्यथा हे काम होऊ देणार नाही, अशी भूमिका शेतकऱ्यांनी घेतली आहे.
यावेळी अविनाश चोरमुले, आबा पिंगळे, बापू नलवडे, तात्यासाहेब दराडे, अतुल शेळके, अमोल अवताडे, सुभाष अवताडे, सतीश वारे, तानाजी पाटील, प्रल्हाद वनवे, गोरख उगलमुगले, श्रीकांत सानप यांच्यासह या भागातील शेतकरी उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.