Buldhana News: शासनाच्या आधारभूत किमत खरेदी केंद्रांवरील कडक अटी, तसेच ग्रेडिंगमधील अडथळ्यांमुळे शेतकऱ्यांमध्ये तीव्र असंतोष निर्माण झाला आहे. आमदार डॉ. संजय कुटे यांनी या गंभीर प्रश्नाकडे लक्ष वेधत शेतकऱ्यांवर अन्याय होऊ नये, अशी मागणी अधिवेशन सत्रात केली..राज्यात यंदा प्रथमच आधारभूत किमत खरेदी योजनेत सोयाबीनची खरेदी करताना कडक ग्रेडिंग अटी लागू करण्यात आल्या आहेत. या भागात हार्वेस्टरच्या काढणीमुळे सोयाबीन मालात माती आलेली आहे. .Wheat MSP Procurement : महाराष्ट्रात मागील पाच वर्षात केवळ १ हजार टन गव्हाची हमीभावाने खरेदी; केंद्र सरकारने लोकसभेत दिली आकडेवारी.शिवाय सततच्या पावसामुळे सोयाबीन रंगहीन तयार झाले. मोठ्या प्रमाणावर सोयाबीन परत पाठवले जात आहे. परिणामी बाजारभावात अचानक घसरण झाली असून, केंद्रावरून माल नाकारल्या गेलेल्या शेतकऱ्यांसमोर खाजगी व्यापाऱ्यांशिवाय दुसरा पर्याय उरलेला नाही..MSP Procurement: कापूस, सोयाबीन, मका हमीभावाने खरेदी सुरू.आधीच निसर्गाच्या लहरीपणामुळे संकटात सापडलेल्या शेतकऱ्यांना शासनाकडून मोठ्या अपेक्षा आहेत. मात्र, सोयाबीन खरेदीतील या बदलांमुळे शेतकऱ्यांमध्ये सरकारविरोधात तीव्र नाराजी दिसून येत आहे. याच पार्श्वभूमीवर जळगाव जामोद केंद्रावर एका शेतकऱ्याने संतापाच्या भरात सोयाबीनसह आत्मदहन करण्याची भाषा केल्याची धक्कादायक घटना घडली..या सर्व घडामोडींची दखल घेत हिवाळी अधिवेशनातील आठवडा पुरवणी प्रस्तावावर बोलताना आमदार डॉ. कुटे यांनी हा विषय मांडला. केंद्रावरून शेतकऱ्यांचा माल परत पाठवला जाणे हे अत्यंत दुःखद असल्याचे सांगून, नाफेडच्या अधिकाऱ्यांनी शेतकऱ्यांप्रती संवेदनशीलता ठेवून जास्तीत जास्तसोयाबीनची खरेदी करावी, अशी ठाम मागणी त्यांनी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
