Farmer's Jal Samadhi Protest : युवा शेतकरी संघर्ष समितीच्या नेतृत्वात गोदापात्रात आंदोलन

Jalna News : पीक विम्यासाठी संबंधित प्रश्नावर युवा शेतकरी संघर्ष समितीच्या नेतृत्वात परिसरातील अनेक शेतकऱ्यांनी सोमवारी (ता. ११) सकाळी १० वाजल्यापासुन दुपारी १ वाजेपर्यंत गुंज बुद्रूक (ता. घनसावंगी) येथील गोदावरी नदीच्या पात्रात उतरत जलसमाधी आंदोलन करण्यात आले.

माहितीनुसार, की खरीप हंगाम २०२४ मध्ये मोठ्या प्रमाणात अतिवृष्टी व सततच्या पावसामुळे पिकांचे मोठ्या प्रमाणात नुकसान झाले होते. शेतकऱ्यांनी पीक विमा कंपनीकडे वेळेत प्री व पोष्ट हार्वेस्टिंग तक्रारी केल्या होत्या. कंपनीने दोन वेळा पंचनामा व सर्वेक्षण केले. परंतु शेतकऱ्यांना कमी प्रमाणात मदत दिली.

५५ हजाराचा क्लेम असताना २५ टक्क्यांत ७ हजार व पोष्ट हार्वेस्टिंगच्या पोर्टलवरून ७ हजार असे १३ ते १४ हजार रुपये देऊन कंपनीने ३९ हजार रुपये दाबल्याचा आरोप शेतकऱ्यांनी केला. यासाठी युनिव्हर्सल सौंपा या पीक विमा कंपनीला जबाब विचारण्यासाठी जिल्ह्यातील क्रॉप कॅलेंडर तारखात हेराफेरी करणे, पोस्ट हार्वेस्टिंग विमा नमुना सर्वेच्या आधारे वाटण्याचा आदेश दाखवण्यात यावा यासाठी हे आंदोलन करण्यात आले.

दरम्यान तालुका कृषी अधिकारी डॉ. सखाराम पवळ,नायब तहसीलदार संतोष इथापे, विमा प्रतिनिधी शेखर कापरे यांच्या वतीने शेतकऱ्यांना लेखी आश्वासनाचे पत्र दिल्यानंतर आंदोलन तात्पुरते स्थगित करण्यात आले.

हंगाम २०२४ मध्ये मोठ्या प्रमाणात अतिवृष्टी व पावसामुळे पिकाचे नुकसान झाले होते, शेतकऱ्यांनी वेळेत विमा कंपनीकडे तक्रारी केल्या मात्र विमा परताव्यात व नुकसानीच्या बाबतीत मोठी तफावत असल्याने शेतकऱ्यांत नाराजी होती.

दरम्यान, तालुका कृषी अधिकारी डॉ. सखाराम पवळ, नायब तहसीलदार संतोष इथापे, विमा प्रतिनिधी शेखर कापरे यांच्या वतीने शेतकऱ्यांना लेखी आश्वासनाचे पत्र दिल्यानंतर आंदोलन तात्पुरते स्थगित करण्यात आले.\

जिल्हाधिकारी, जिल्हा कृषी अधिक्षक, शेतकरी यांची संयुक्त बैठक घेऊन हा विषय शासनापर्यंत पोहचला जाईल, असे लेखी निवेदन तालुका कृषी अधिकाऱ्यांनी यावेळी शेतकऱ्यांना दिले.