Sangli News : म्हैसाळ योजनेच्या लाभक्षेत्रातील सर्व लाभार्थी शेतकऱ्यांनी प्राध्यान्याने पाणी मागणी अर्ज भरून लवकरात लवकर पाण्याची मागणी करावी. पाणी मागणी अर्ज योजनेच्या लाभक्षेत्रातील प्रत्येक ग्रामपंचायत कार्यालयात व प्रत्येक सिंचन व्यवस्थापनाच्या शाखा कार्यालयात उपलब्ध केलेले आहेत.
योजनेची थकित पाणीपट्टी आहे अशा सर्व शेतकऱ्यांनी थकित पाणीपट्टी व चालू करावयाच्या पाणी आवर्तनाकरिता आगाऊ रब्बी हंगामाची प्रचलित दरानुसार पाणीपट्टी वेळेत भरून सहकार्य करावे, असे आवाहन ताकारी म्हैसाळ उपसा सिंचन व्यवस्थापन विभागाचे कार्यकारी अभियंता रा. रा. कोरे यांनी केले.
कृष्णा कोयना उपसा सिंचन योजनेअंतर्गत म्हैसाळ योजनेचे सांगली जिल्ह्यातील मिरज, तासगाव, कवठेमहांकाळ व जत तालुक्यातील ७१ हजार ६९७ हेक्टर व सोलापुरातील सांगोला व मंगळवेढा तालुक्यातील १० हजार हेक्टर असे एकूण ८१ हजार ६९७ हेक्टर लाभक्षेत्र असून त्यापैकी ७९ हजार ३०० हेक्टर लाभक्षेत्राची सिंचननिर्मिती पूर्ण झाली आहे.
म्हैसाळ सिंचन योजनेचे २०२३-२४ या सिंचन वर्षातील रब्बी हंगामामधील पाणी आवर्तन कालवा समितीच्या बैठकीमध्ये ठरल्याप्रमाणे १८ नोव्हेंबरला सुरू करण्यात आले. पाणी देण्याचे धोरण शेवटच्या भागापासून ते सुरुवातीच्या भागापर्यंत देण्याचे ठरविण्यात आले.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.