Sinnar Nashik : सिन्नर, जि. नाशिक : तालुक्यातील वावी गावात मोकाट सोडलेल्या डुकरांचा उपद्रव थांबत नसल्याने व शेती पिकांची नासाडी सुरूच असल्याने संतप्त झालेल्या स्थानिक शेतकऱ्यांनी सोमवारी (ता. ३०) रोजी ग्रामपंचायत पदाधिकारी व सदस्यांना घेराव घातला. आक्रमक भूमिका घेऊन ग्रामपंचायतची मासिक सभा थांबवत कार्यालयाला कुलूप ठोकण्याचा प्रयत्न शेतकऱ्यांनी केला.
शेतकऱ्यांनी आक्रमक पवित्रा घेतल्यानंतर सरपंच विजय काटे यांनी मोकाट सोडलेल्या डुकरांच्या संबंधित मालकांना ग्रामपंचायत कार्यालयात बोलावले. आठवडाभरात सर्व डुकरांचा बंदोबस्त करावा. गावातील ग्रामस्थ तसेच शेतकऱ्यांचे नुकसान होणार नाही याची हमी घ्यावी;
अन्यथा ग्रामपंचायतीमार्फत कायदेशीर कारवाई करण्यात येईल, असा इशारा काटे यांनी दिला.
वावी शिवारात पिकांची डुकरांकडून नासाडी होत आहे. याबाबत संबंधितांना शेतकऱ्यांनी कळवल्यावर उडवाउडवीची उत्तरे दिली जातात. दाखवण्यापुरते एखाद-दोन डुकरे पकडली जातात. मात्र, उपद्रव काही केल्या थांबत नाही.
शेतकऱ्यांनी पोलिसांकडे तक्रार देण्याचा प्रयत्न केला. वन विभागाला कळवले, ग्रामपंचायतीला वारंवार निवेदने देऊन कारवाई करण्याची मागणी केली मात्र निराशा झाली. त्यामुळे सोमवारी (ता. ३०) ग्रामपंचायतीच्या मासिक बैठकीवेळी शेतकरी कार्यालयात येऊन धडकले. पिकांच्या होणाऱ्या नुकसानीची जबाबदारी ग्रामपंचायतीने घ्यावी.
डुकरांचे पालन करणाऱ्या संबंधितांवर कारवाई करण्याची जबाबदारी ग्रामपंचायतीची असल्याचे सांगत शेतकऱ्यांनी मासिक सभा थांबवली. आमच्या प्रश्नावर निर्णय होत नाही तोपर्यंत ग्रामपंचायत कार्यालयाला कुलूप लावण्याची भूमिका घेतली.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.