Latur News : पवणार ते पत्रा देवी शिग्रसंचार द्रुतगती विशेष महामार्ग क्रमांक दहा, अर्थात शक्तिपीठ महामार्गाच्या सीमांकनासाठी (मार्किंग) आलेल्या महसूल तसेच मोनार्क कंपनीच्या अधिकारी तसेच कर्मचाऱ्यांच्या पथकाला गुरुवारी (ता. १७) चाडगाव (ता. रेणापूर) येथून रिकाम्या हाताने परत फिरावे लागले.
अधिकारी व कर्मचाऱ्यांना महामार्ग बाधित शेतकऱ्यांना तीव्र विरोध केला. शेतकऱ्यांचे रौद्ररूप पाहून अधिकारी व कर्मचाऱ्यांना काढता पाय घेतला. गुरुवारी सकाळी मोनार्क कंपनी व महसूल विभागाचे अधिकारी चाडगावमध्ये आले. त्यांनी सुरुवातीला महामार्ग बाधित शेतकऱ्यांशी चर्चा केली. त्यावर भूसंपादनासाठी होणाऱ्या सीमांकनाला शेतकऱ्यांनी प्रचंड विरोध केला.
गावच्या शिवारात कोणत्याही प्रकारचे सीमांकन अथवा मोजणी करू दिली जाणार नाही, असा पवित्रा शेतकऱ्यांनी घेतला. येत्या काळातही हीच भूमिका कायम ठेवणार असल्याचे शेतकऱ्यांनी अधिकाऱ्यांना ठणकावून सांगितले. शेतकऱ्यांनी एकत्र येऊन विरोध केल्यानंतर सीमांकन थांबविण्यासाठी चाडगाव शेजारील मोरवड, भोकरंबा, मोटेगाव, नांदगाव, सायगाव, भारज गावातील बाधित शेतकरी चाडगावला आले.
सुरुवातीला चाडगावच्या सरपंचांच्या उपस्थितीत अधिकाऱ्यांनी शेतकऱ्यांसोबत चर्चा केली. शेतकऱ्यांच्या भावनात तीव्र आहेत हे लक्षात घेता अधिकारी लोकांनी काढता पाय घेऊन गाव सोडणे पसंत केले. चाडगाव गावाहून मोरवड नांदगाव या गावांना कॅनल होऊन मोठ्या प्रमाणात पाइपलाइनद्वारे पाणी नेले जाते आणि या जमिनी सर्वच्या सर्व बागायती असल्याने सीमांकनाला आणि शक्तिपीठ महामार्गाला शेतकऱ्यांचा प्रखर विरोध आहे.
या वेळी शक्तिपीठ महामार्ग बाधित शेतकरी समितीचे गजेंद्र येळकर, आत्माराम माने, संजय माने, बालाजी हाके, निळकंठ भिसे, अॅड. दिलीप कुलकर्णी, प्रकाश चव्हाण, रामेश्‍वर चव्हाण, श्रीकिशन मेटे उपस्थित होते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.