Amravati News : पारंपरिक पीक पद्धतीवर भिस्त असलेल्या चिखलदरा तालुक्‍यात नजीकच्या काळात स्ट्रॉबेरीखालील क्षेत्रात वाढ झाली आहे. पर्यटकांकडून वाढती मागणी असल्याने उत्पन्नाचा हा नवा पर्याय शेतकऱ्यांना उपलब्ध झाला आहे. आता स्ट्रॉबेरी प्रक्रिया उद्योगाची उभारणीदेखील या भागात करण्यात यावी, अशी मागणी शेतकऱ्यांमधून होत आहे.
श्री शिवाजी उद्यानविद्या महाविद्यालय तसेच आत्माच्या पुढाकाराने विदर्भाचे नंदनवन असलेल्या चिखलदरा तालुक्‍यात दहा-बारा वर्षांपूर्वी स्ट्रॉबेरी लागवडीला प्रोत्साहन देण्यात आले होते. या भागात येणाऱ्या पर्यटकांकडून ताज्या स्ट्रॉबेरीची थेट शेतातूनच खरेदी होत होती. त्यामुळे मागणी वाढत यातून चांगला पैसाही शेतकऱ्यांना मिळायला सुरुवात झाली.
त्यामुळे त्यापुढील टप्प्यात स्ट्रॉबेरीखालील क्षेत्रातही वाढ नोंदविण्यात आली. शेतकऱ्यांद्वारे थेट महाबळेश्‍वर व इतर भागातून रोपांची खरेदी होत लागवडीवर भर देण्यात आला. मात्र पर्यटकांची संख्या कमी असलेल्या काळात स्ट्रॉबेरीला अपेक्षित मागणी राहत नाही. त्यातच या फळाची टिकवण क्षमता कमी असल्याने ते खराब होण्याची शक्‍यता अधिक राहते. त्यामुळे होणारे संभावीत नुकसान टाळता यावे याकरिता या भागात स्ट्रॉबेरीवर आधारित प्रक्रिया उद्योग उभारण्यात यावेत, अशी मागणी शेतकऱ्यांनी केली आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.