Crop Insurance : विम्याच्या रकमेपासून शेतकरी अद्याप वंचित

Mumbai News : रोहा तालुक्यातील निडीतर्फे अष्टमी, दापोली व घोसाळे विभागातील फळपीक बागायतदार अद्याप विमा रकमेच्या प्रतीक्षेत आहेत. दोन वर्षांपूर्वी अवकाळी पाऊस व हवामान बदलामुळे हजारो हेक्टर आंबा पिकांचे नुकसान झाले होते. या वेळी सरकारकडून पंचनामा करण्यात आल्‍याने फळपीक विमा मिळण्याची आशा शेतकऱ्यांना होती. मात्र अद्याप नुकसानभरपाई न मिळाल्‍याने ते हवालदिल झाले आहेत.

तालुक्यातील घोसाळे मंडळात एकूण लाभार्थी १५२ असून निडीतर्फे अष्टमीत ४१, (दापोली), चणेरामध्ये २२ लाभार्थी अद्याप वंचित आहेत. ज्या शेतकऱ्यांची रोजीरोटी फळबाग तसेच आंबा पिकांवर अवलंबून आहे, त्‍यांची आर्थिक ओढाताण होत आहे.

सरकारकडून जिल्ह्यातील बहुतांश बागायतदारांना पीक विम्याची भरपाई मिळाली आहे, मात्र रोहा तालुक्यातील काही शेतकरी अद्याप प्रतीक्षेत असून लवकरात लवकर भरपाईची रक्‍कम मिळावी, अशी मागणी जोर धरत आहे.