Nashik News : जिवापाड जपलेल्या कांद्याला कवडीमोल भाव (Onion Rate) मिळत असल्याने गुंतवलेले भांडवल तर दूरच पण कांदा (Onion Market) विकायला बाजार समितीत देण्यासाठी महाग झाला आहे.
यामुळे धामणगाव येथील शेतकऱ्याने कांद्याचा काढणीचा (Onion Harvesting) खर्च मिळणाऱ्या भावात परवडणारा नसल्याने एक एकराच्या कांदा पिकात चरण्यासाठी मेंढ्या सोडून देत आपला संताप व्यक्त केला.
कांद्याला मिळणाऱ्या कवडीमोल भावामुळे संपूर्ण जिल्ह्यातच कांदा उत्पादक शेतकरी त्रस्त झाले असून उत्पादन खर्चही निघत नसल्याने कांदे फेकून देण्याची वेळ शेतकऱ्यांवर आली आहे.
सातत्याने भाव कोसळत असल्याने कांदा उत्पादक शेतकरी हताश होत चालला आहे. जिल्ह्यात कांदा हे नगदी पीक असल्याने शेतकऱ्यांची भिस्त त्याच्यावरच असते.
कांदा पिकावर रोटर फिरविण्याचा प्रकार निफाड तालुक्यातील नैताळे येथे सोमवारी (ता. २७) घडलेला असताना नगरसूल येथेही कांद्याला अग्निडाग देण्याचा समारंभ सहा मार्चला कृष्णा डोंगरे यांनी ठेवला आहे. कांद्याला मिळणाऱ्या भावामुळे शेतकऱ्यांत नैराश्याची भावना निर्माण होत चालली आहे.
रास्ता रोको, लिलाव बंद पाडलले जात आहेत. कांदा काढणीला साडे सात हजार रुपये खर्च लागणार असल्याने हतबलतेतून धामणगाव येथील दादा गुळवे यांनी आपल्या उभ्या कांदा पिकात मेंढ्या चरण्यास सोडून दिल्या.
कांद्याला २०० रुपये क्विंटल नीचांकी भाव मिळत असल्याने काढणीचा खर्च जास्त व उत्पन्न कमी असे विचित्र गणित झाले आहे. मेंढ्यांचे तरी पोट भरून लक्ष्मीचा आशीर्वाद सरकारला मिळेल, अशा अनोख्या पद्धतीने या शेतकऱ्यांने राज्य शासनाच्या विरोधात रोष व्यक्त केला आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.