Agro Tourism : बसवंत कृषी उद्योग पर्यटन केंद्र

Baswant Agro Industry Tourism Center : पिंपळगाव बसवंत (ता. निफाड, जि.  नाशिक) येथील प्रकल्पात कृषी संस्कृती आणि मधू-पर्यटन यांची परस्परांशी सांगड घालणारा हा भारतातील पहिला प्रकल्प ‘ग्रीनझोन अ‍ॅग्रोकेम’चे कार्यकारी संचालक संजय पवार यांच्या कल्पक नियोजनातून साकारला आहे. या केंद्रात वर्षभर विविध परिसंवाद व चर्चासत्रांचे आयोजन केले जाते.

बसवंत मधमाशी उद्यान ः देशातील पहिले अ‍ॅपी टुरिझम सेंटर. मधमाशीचे मानवी आहार, आरोग्यामधील योगदान, पिकांची उत्पादनवाढ, स्वयंरोजगार निर्मितीतून शाश्‍वत ग्रामविकासाची संकल्पना.

बीनिव्हर्स ः मधमाशीच्या शिल्पाकृतीचा उंच मनोरा पर्यटकांचे आकर्षण.

माहितीपट ः दोन भव्य टनेल्समध्ये मधमाश्यांचे निसर्ग आणि मानवी जीवनातील महत्त्व प्रदर्शित केले आहे. सातेरी, मेलिफेरा, ट्रायगोना वसाहती.

मधमाश्यांचे गाव ः शेतकरी एकत्र येऊन कसे मधमाशीपालन करू शकतात हे समजवणारी संकल्पना.

प्रशिक्षण ः मधमाशीपालन करू इच्छिणाऱ्यांना प्रात्यक्षिकांवर आधारित प्रशिक्षणाची सुविधा.

सेवरगाव ः ‘गाव समृद्ध तर देश समृद्ध’ या संकल्पनेवर आधारित प्रतिकृती.

फळे, भाजीपाला, मधप्रक्रिया ः मध्यम स्वरूपाचे फूड प्रोसेसिंग युनिट.

गोमाता संस्कृती ः देशातील उत्कृष्ट दहा गोवंशाच्या प्रतिकृती. विविध बैलांची चित्ररूप माहिती.

ग्रामसंस्कृती ः ग्रामसंस्कृतीबद्दल रंजक माहिती देण्याचा प्रयत्न.

गेमझोन ः लहान मुलांपासून ते ज्येष्ठ नागरिकांना आनंद घेता येईल असे मैदानी, साहसी खेळ.

अ‍ॅक्वामीन ः माशांचे विविध प्रकार आणि संवर्धन करण्याच्या नवीन पद्धती.

जानोरी फ्लॉवर्स ः फुलांच्या पर्यटनाच्या माध्यमातून रोजगार निर्मितीच्या संधींबद्दल माहिती.

ग्रेप सिटी ः द्राक्ष संग्रहालयामध्ये भोकरी, अनाब-ए-शाही, गुलाबी आणि शरद सीडलेस यासारख्या तीसहून अधिक जागतिक दर्जाच्या द्राक्षाच्या जातींची लागवड.

ससा संगोपन ः सशांचे नैसर्गिक जीवन पाहण्याचा आनंद.

गौरव

२०२२ मध्ये इंटरनॅशनल सेंटर फॉर रिस्पॉन्सिबल टुरिझम संस्थेतर्फे ‘रिस्पॉन्सिबल टुरिझम अ‍ॅवॉर्ड’.

२०२३ मध्ये संस्था श्रेणीमध्ये ‘किर्लोस्कर वसुंधरा मित्र’ पुरस्कार.