New Delhi News: आंतरराष्ट्रीय योग दिनानिमित्त आज (ता.२१) जगभर विविध शहरांत कार्यक्रमांचे आयोजन करण्यात येणार आहे. प्राचीन भारतीय परंपरा आणि अध्यात्माचे यानिमित्ताने पुन्हा एकदा जगाला दर्शन होईल. पाकिस्तानातील इस्लामाबादमध्येही भारतीय उच्चायुक्तालयाकडून विशेष कार्यक्रम आयोजित करण्यात आला आहे. सांस्कृतिक मंत्रालयाशी संबंधित ‘इंडियन कौन्सिल फॉर कल्चरल रिलेशन्स’ने (आयसीसीआर) यासाठी पुढाकार घेतला आहे. यंदाचा योगदिन हा दहावा असेल.
१ हजार ३००
शहरांत कार्यक्रम
१९१
देशांचा सहभाग
२ हजार
कार्यक्रम सोहळे
१७
योगगुरूंचा
समावेश
१५ देशांत
योगबंधन
- मागील शंभर दिवसांमध्ये जगभरातील ३७ भारतीय सांस्कृतिक केंद्रांनी विविध ठिकाणांवर कार्यक्रमाचे आयोजन केले आहे.
‘योगबंधन’ कार्यक्रमाची वैशिष्ट्ये
ब्राझील, अर्जेंटिना, रशिया, चीन, दक्षिण आफ्रिका, मलेशिया, श्रीलंका, इंडोनेशिया, सिंगापूर, दक्षिण कोरिया आणि भारतात महत्त्वाच्या ठिकाणांवरील योग सत्रांचे नेतृत्व भारतीय गुरू करणार आहेत.
जंतरमंतर, कुतुबमिनार, पुराना किला, दिल्लीतील हूमायूँची कबर, लखनौ, अयोध्या, वाराणसी, जयपूर, जोधपूर, भोपाळ आणि ग्वाल्हेर येथील या वारसास्थळांवर विशेष सत्रांचे आयोजन.
यंदाची संकल्पना : योगा फॉर वन अर्थ, वन हेल्थ
(संलग्न : वन अर्थ, वन फॅमिली, वन फ्युचर)
मुख्य कार्यक्रम आंध्र प्रदेशात
आंतरराष्ट्रीय योगदिनाचा देशातील मुख्य कार्यक्रम आंध्र प्रदेशातील विशाखापट्टण येथील आर.के.बीच येथे आयोजित करण्यात आला आहे. या योगसत्रामध्ये पंतप्रधान नरेंद्र मोदी हे सहभागी होतील. यानिमित्ताने जागतिक विक्रम करण्याचा निर्धार आंध्र सरकारने केला आहे. एकट्या आंध्रप्रदेशातील एक लाखांपेक्षाही अधिक ठिकाणांवरून दोन कोटींपेक्षाही अधिक लोक योगसत्रामध्ये सहभागी होणार आहेत.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.