El Niño Impact On Rabi Crops: यंदाच्या तीव्र 'एल निनो'मुळे महाराष्ट्र आणि कर्नाटकातील खरीप पिकांचे मोठे नुकसान झाले. आता रबी हंगामातील पिकांवर त्याचा परिणाम अधिक व्यापक आणि गंभीर स्वरुपाचा होऊ शकतो, अशी चिंता ताज्या पावसाच्या आकडेवारीवरुन तज्ज्ञांनी व्यक्त केली आहे. कमी पावसामुळे अनेक राज्यांत पेरणीला उशीर झाला आहे. जमिनीत ओलावा नसणे आणि सिंचनासाठीच्या पाण्याच्या कमतरतेमुळे पेरणी क्षेत्र आणि उत्पन्नावर परिणाम होण्याची शक्यता निर्माण झाली आहे..रब्बी पिके घेणारे शेतकरी आता जमिनीतील ओलावा वाढावा, बियाण्यांची उगवण चांगली व्हावी आणि सिंचनावरील अवलंबित्व कमी करण्यासाठी पश्चिमी चक्रावातमुळे होणाऱ्या हिवाळीतील पावसावर अवलंबून आहेत. खरीप वाया गेल्यानंतर यंदाचा रब्बी पीक हंगामही धोक्यात आहे. कारण रब्बी पिकांसाठी जमिनीत ओलाव्याची गरज आहे. तसेच सिंचनाची सुविधा उपलब्ध असायला हवी आणि हिवाळ्यात पाऊस पडणेही गरजेचे आहे. हा पाऊस विशेषतः उत्तर भारतात घेतल्या जाणाऱ्या प्रमुख गहू पिकासाठी महत्त्वाचा असतो. यामुळे पिकाच्या सुरुवातीच्या वाढीच्या काळात जमिनीतील ओलावा टिकवून ठेवण्यास मदत होऊ शकते. .Javas Lagwad in El nino: दुष्काळात जवस तग धरणारे! लागवड कशी करावी?.गव्हासह कडधान्ये आणि तेलबिया पिकांसाठीही पाऊस आवश्यक असून, त्यावर शेतकऱ्यांना रब्बी पिकांची पेरणी करायची की नाही, हे ठरवता येईल. पावसाचा अधिक काळ खंड पडल्यास रब्बी पीक क्षेत्रात घट होण्याची शक्यता आहे. तसेच, जमिनीतील ओलाव्याअभावी पीक उत्पादनात घट होऊ शकते, अशी चिंता शेती क्षेत्रातील तज्ज्ञांनी व्यक्त केली आहे. .El Nino Banana Care: केळी पिकावरील एल निनोचा परिणाम कसा कमी करावा?.महाराष्ट्रात दुष्काळाची दाहकता अधिक, ऑक्टोबरमध्ये केवळ ३ टक्के पाऊसभारतीय हवामान विभागाच्या माहितीनुसार, सप्टेंबरमध्ये राजस्थानात सामान्यपेक्षा ९ टक्के कमी पाऊस पडला. तर १ ते १८ ऑक्टोबर दरम्यानच्या काळात येथे पावसात ५५ टक्के तूट नोंदवली गेली. महाराष्ट्रात दुष्काळाची दाहकता अधिक आहे. येथील ३५८ पैकी ३०४ तालुक्यांत दुष्काळ जाहीर करण्यात आला आहे. राज्यात सप्टेंबरमध्ये पावसाची तूट ५२ टक्के एवढी होती. ऑक्टोबरच्या पहिल्या पंधरवड्यात राज्यात सरासरीच्या केवळ ३ टक्के पावसाची नोंद झाली. मध्य प्रदेशात सप्टेंबरमध्ये सरासरीच्या तुलनेत १९ टक्के अधिक पाऊस पडला. पण ऑक्टोबर महिन्यात आतापर्यंत येथे पावसाची ९६ टक्के तूट राहिली..उत्तर प्रदेशातील स्थिती तुलनेने चांगली उत्तर प्रदेशातील स्थिती तुलनेने चांगली असल्याचे दिसून आले आहे. येथे ऑक्टोबरमध्ये ३७ टक्के पावसाची तूट राहिली. पण येथे सप्टेंबर महिन्यात ६५ टक्के अतिरिक्त पावसाची नोंद झाली होती. यामुळे रब्बी पीक पेरणीसाठी गरजेचा असलेला जमिनीतील ओलावा टिकून राहिला आहे..पंजाब, हरियाणात गहू पेरणीसाठी पोषक वातावरण, पण...पंजाब आणि हरियाणात सप्टेंबर महिन्यातील पावसाच्या मोठ्या तुटीनंतर ऑक्टोबरमध्ये पडलेल्या पावसामुळे रब्बीसाठी पोषक वातावरण आहे. येथे सप्टेंबरमध्ये पावसाची तूट ६४ टक्क्यांवर पोहोचली होती. पण १ ते १८ ऑक्टोबर दरम्यानच्या कालावधीत सामान्यपेक्षा २५६ टक्के अधिक पावसाची नोंद झाली. हरियाणात सप्टेंबरमध्ये ४४ टक्के तूट झाल्यानंतर ऑक्टोबरच्या पहिल्या १८ दिवसांत १९१ टक्के जास्त पाऊस पडला. यामुळे शेतकऱ्यांना नोव्हेंबरच्या सुरुवातीला गहू पेरणी करण्यास मदत होण्यास मदत होणार असल्याचे हवामान क्षेत्रातील तज्ज्ञांचे म्हणणे आहे..एल निनो परिस्थितीमुळे पिके पक्व होण्याच्या अंतिम टप्प्यात उष्णतेची तीव्रता वाढल्यास त्याचा गंभीर परिणाम होऊ शकतो. यामुळे पिके वेळेआधीच पक्व होऊन दाणे भरण्याचा कालावधी कमी होऊ शकतो. परिणामी पीक उत्पादनात घट होण्याची भीती व्यक्त करण्यात आली आहे. .हिवाळ्यात पुरेसा पाऊस पडण्याबाबत काही तज्ज्ञांनी सांशकता व्यक्त केली आहे. त्यांच्या मते, पश्चिमी चक्रावात स्थिती निर्माण होण्याची शक्यता कमी आहे. कारण सध्याची 'एल निनो' परिस्थिती डिसेंबरपर्यंत तीव्र होण्याची शक्यता आहे. ज्याचा पश्चिमी चक्रावात निर्मितीवर परिणाम होऊ शकतो. 'एल निनो'मुळे उत्तर भारताच्या काही भागांत आधीच तापमान वाढले आहे. येथे दिवसा तापमान सुमारे ३० ते ३१ अंश सेल्सिअसवर गेले असल्याचे दिसून आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
