Economic Impact: ‘एल निनो’मुळे पुढील पाच ते सहा वर्षांत जागतिक अर्थव्यवस्थेला ११ ट्रिलियन डॉलरचा फटका बसण्याची शक्यता आहे. त्यामुळे अन्नसुरक्षा आणि ग्रामीण उपजीविकेवरही दीर्घकालीन परिणाम होऊ शकतात, असा इशारा ‘संयुक्त राष्ट्रांच्या हवामान बदलविषयक परिषद अर्थात सीओपी ३१’मध्ये सादर करण्यात आलेल्या अहवालात देण्यात आला आहे. .‘फूड सिस्टिम्स अंडर स्ट्रेस : बिल्डिंग रेझिलियन्स फ्रॉम द फर्स्ट माइल’ हा अहवाल आंतरराष्ट्रीय कृषी विकास निधी (आयएफएडी) आणि तुर्कियेच्या कृषी व वनीकरण मंत्रालयाने संयुक्तपणे प्रसिद्ध केला आहे. या अहवालात हवामान आणि आर्थिक संकटांच्या एकत्रित परिणामांमुळे अल्पभूधारक शेतकरी आणि अन्न व्यवस्था कशा धोक्यात येऊ शकतात, याचा आढावा घेण्यात आला आहे..El Nino Forecast: ‘एल निनो’ची स्थिती तीव्र होणार.या अहवालानुसार, २०२६-२७ मध्ये ‘एल निनो’चा प्रभाव ऑक्टोबर २०२६ ते जानेवारी २०२७ या काळात सर्वाधिक राहण्याची शक्यता आहे. पण त्याचे उत्पादन आणि ग्रामीण उपजीविकेवरील परिणाम २०२७ आणि त्यानंतर कायम राहू शकतात..‘एल निनो’सह होर्मूझ सामुद्रधुनीतील तणाव आणि हवामान बदलांचा सामना करणाऱ्या प्रदेशांबाबतही या अहवालात चिंता व्यक्त करण्यात आली आहे. या परिस्थितीमुळे अल्पभूधारक शेतकऱ्यांचं उत्पादन आणि वाहतुकीवरील खर्च वाढल्याचंही नमूद केले आहे..EL Nino 2026 : एल निनोमुळे जागतिक अर्थव्यवस्थेला ११ ट्रिलियन डॉलरचा फटका बसण्याची शक्यता.दक्षिण आणि आग्नेय आशियातील भात उत्पादक प्रदेशांनाही एल निनोचा फटका बसू शकतो. २०१५-१६ मधील एल निनोमुळे या प्रदेशातील भात उत्पादनात १.५ कोटी टनांची घट झाली होती. फिलिपिन्समध्ये भात उत्पादन ११ टक्क्यांनी घटले होते. पावसाच्या बदलत्या स्वरूपामुळे कापूस, सोयाबीन आणि गहू उत्पादनावरही परिणाम होण्याची शक्यता असल्याचे या अहवालात स्पष्ट केले आहे. तर जागतिक अन्न कार्यक्रमाच्या अंदाजानुसार, २०२७ च्या अखेरपर्यंत आणखी ४ कोटी ९० लाख लोकांना तीव्र अन्नटंचाईचा सामना करावा लागू शकतो, असा इशाराही देण्यात आला आहे..एकत्रित गुंतवणुकीचा पर्यायएल निनोमुळे निर्माण होणारा दुष्काळ आणि शेतीसाठी लागणाऱ्या निविष्ठांच्या वाढत्या किमती यांचा अल्पभूधारक शेतकऱ्यांच्या उत्पन्नावर होणाऱ्या परिणामाचं विश्लेषणही ‘आयएफएडी’ने केले आहे. या विश्लेषणानुसार, केवळ विम्यासारख्या आर्थिक उपाययोजनांमुळे शेतीतील उत्पन्नाचे नुकसान ९.८ टक्क्यांनी कमी होऊ शकते. परंतु शेतीसाठी आवश्यक निविष्ठा बाजारपेठेपर्यंत पोहोच आणि वित्तपुरवठा या तिन्ही बाबींसाठी एकत्रित मदत दिल्यास उत्पन्नातील नुकसान १८.७ टक्क्यांपर्यंत कमी होऊ शकते. .हवामान आणि आर्थिक संकटांचा एकत्रितपणे सामना करण्यासाठी सरकार, गुंतवणूकदार आणि विकास क्षेत्रातील भागीदारांनी प्रयत्न करावेत, असे आवाहन अहवालात करण्यात आले आहे. शेतकऱ्यांना उत्पादन सुरू ठेवता यावे, बाजारपेठांपर्यंत पोहोचता यावे आणि जोखीम व्यवस्थापन तसेच नुकसानीतून सावरण्यासाठी आर्थिक मदत मिळावी, यावरही अहवालात भर देण्यात आला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.