Farmer Problems: शासनाने महसूल व कृषी व्यवस्थेत पारदर्शकता आणण्यासाठी सुरू केलेली डिजिटल ‘ई-पीकपाहणी’ प्रणाली सध्या शेतकऱ्यांसाठी अडचणीची ठरत आहे. खरीप हंगामातील ई-पीकपाहणी करूनही अनेक शेतकऱ्यांच्या सातबारा उताऱ्यावर पिकांची नोंद अद्याप अद्ययावत झालेली नाही. त्यामुळे पीक कर्ज घेताना तसेच पीक विम्याच्या प्रक्रियेत शेतकऱ्यांना अडचणींचा सामना करावा लागत आहे..शासनाच्या निर्देशानुसार ऑगस्टच्या दुसऱ्या आठवड्यापासून ई-पीकपाहणीची मोहीम सुरू करण्यात आली. शेतकऱ्यांनी तसेच शासनाने नियुक्त केलेल्या सहायकांनी ॲपच्या माध्यमातून प्रत्यक्ष शेतात जाऊन पिकांची ऑनलाइन नोंद केली. मात्र, नोंदणीची प्रक्रिया पूर्ण होऊनही संबंधित माहिती सातबारा उताऱ्यावर अद्याप परावर्तित झालेली नसल्याच्या तक्रारी शेतकऱ्यांकडून होत आहेत..Kharif Crop Inspection: सहायकांच्या पीकपाहणीची १०० टक्के पडताळणी होणार; महसूल विभागाचे आदेश.पीक कर्ज, विम्याच्या प्रक्रियेत अडथळेचालू हंगामासाठी पीककर्ज घेताना बँकेकडून सातबारा उतारा व पिकांच्या नोंदीचा आधार घेतला जातो. मात्र सातबारा उताऱ्यावर चालू हंगामातील पिकांची नोंद दिसत नसल्याने कर्जप्रक्रियेत अडचणी येत असल्याचे शेतकरी सांगत आहेत. तसेच नैसर्गिक आपत्तीमुळे पिकांचे नुकसान झाल्यास पीकविम्याचा लाभ मिळण्यासाठीही पिकांची नोंद महत्त्वाची ठरते. त्यामुळे ई-पीकपाहणी करूनही सातबारा उताऱ्यावर नोंद झालेली नसल्याने शेतकऱ्यांमध्ये चिंता निर्माण झाली आहे. खरीप हंगामातील पिकांसाठी लागवड, खते, औषधे व मशागतीवर शेतकऱ्यांचा मोठा खर्च झाला आहे. अशा परिस्थितीत वेळेत पीककर्ज उपलब्ध होणे आणि पीकविम्याच्या प्रक्रियेत अडथळे येऊ नयेत, अशी शेतकऱ्यांची अपेक्षा आहे..Kharif Distress : पिकांनी टाकल्या माना; चिंता वाढली.नोंदी तातडीने अद्ययावत करण्याची मागणीहंगामातील महत्त्वाची शेतीकामे सुरू असतानाच ई-पीकपाहणीच्या नोंदी सातबारा उताऱ्यावर वेळेत अद्ययावत होत नसल्याने शेतकऱ्यांची गैरसोय होत आहे. महसूल विभागाने सर्व्हर व सॉफ्टवेअरमधील तांत्रिक अडचणी तातडीने दूर करून ई-पीकपाहणीच्या नोंदी सातबारा उताऱ्यावर अद्ययावत कराव्यात. तसेच पीककर्ज व पीकविम्याच्या प्रक्रियेत शेतकऱ्यांना अडचणी येऊ नयेत, यासाठी प्रशासनाने तातडीने उपाययोजना कराव्यात, अशी मागणी शेतकरी वर्गातून होत आहे..ई-पीकपाहणीची मोहीम सुरू झाल्यापासून साहाय्यकांनी प्रत्यक्ष शेतात जाऊन पिकांच्या नोंदी केल्या आहेत. मात्र, तालुका व जिल्हा पातळीवरील सर्व्हर आणि सॉफ्टवेअरमधील तांत्रिक अडचणींमुळे हा डेटा अद्याप कोणाच्याही सातबारा उताऱ्यावर अद्ययावत झालेला दिसत नाही.- लक्ष्मण मोगल, तलाठी, उंदरगाव.ई-पीकपाहणीची ऑनलाइन नोंदणी सहाय्यकांच्या मदतीने पूर्ण केली आहे. मात्र, एक महिना उलटूनही सातबारा उताऱ्यावर पिकाची नोंद दिसत नाही. त्यामुळे पीक कर्ज घेताना अडचणी येत आहेत. विम्याच्या लाभाबाबतही चिंता आहे. उद्या पावसाअभावी दुष्काळ जाहीर झाला आणि उताऱ्यावर पिकाची नोंदच नसेल, तर नुकसानभरपाई कशी मिळणार, असा प्रश्न आहे.- ऋषिकेश तांबिले, शेतकरी, उंदरगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
