Pune News: जमीनविषयक महसूल कर अर्थात शेतसारासुद्धा ऑनलाइन भरण्याची सुविधा भूमी अभिलेख विभागाने उपलब्ध करून दिली आहे. शेतसारा भरण्याची नोटीस महाभूमी संकेतस्थळावर ई-चावडीवर प्रसिद्ध केली जाणार असून, आता ऑनलाइन पद्धतीने कर भरता येणार आहे.
शेतसारा वसुलीसाठी तलाठ्यांना खातेदारांच्या घरोघरी फिरावे लागत होते. भूमी अभिलेख विभागाने विकसित केलेल्या संगणक प्रणालीमुळे सर्व्हे नंबरनिहाय अथवा खातेदारनिहाय वार्षिक शेतसाऱ्याची रक्कम किती होत आहे. थकीत कर किती आहे, याची माहिती ई चावडीवर ऑनलाइन दिसणार आहे. त्याची प्रत डाउनलोड सुद्धा करता येणार आहे.
भूमी अभिलेख विभागाने ई-चावडी या संगणक प्रणालीमध्येच शेतीचा कर ऑनलाइन भरण्याची सुविधा देण्यासाठी काम सुरू केले जाते. https://echawadicitizen.mahabhumi.gov.in या संकेतस्थळावर शेतसारा भरता येणार आहे. शेतीचा कर भरण्याबरोबरच बिनशेती कर अर्थात एनए कर सुद्धा भरण्याचा पर्याय येथे उपलब्ध करून देण्यात आला आहे.
राज्यातील एकूण ३५ हजार ८३७ गावांचा शेतसारा मागणी निश्‍चित प्रक्रिया पूर्ण झाली असून, १० हजार ३८९ गावांची शेतसाऱ्याची १०० टक्के वसुली पूर्ण केली आहे. ऑनलाइन भरलेला कर अॅक्सिस बँकेत जमा होणार असून, या बँकेत खाते उघडण्याच्या सूचना सर्व तहसीलदारांना जमाबंदी आयुक्त कार्यालयाने दिलेल्या आहेत. हे काम २९ मार्च २०२५ पर्यंत पूर्ण करावे, अशा सूचनाही दिल्या आहेत. ऑनलाइन भरण्याची सुविधा देण्याची बाब १०० दिवसांच्या कृती आराखड्यामध्ये समाविष्ट केल्याचे जमाबंदी आयुक्त डॉ. सुहास दिवसे यांनी पत्रात नमूद केले आहे.
कर भरणे सोयीचे होणार
अनेक खातेदार हे शहरात राहतात, तर काही खातेदार नोकरी-व्यवसायाच्या निमित्ताने बाहेरगावी असतात, त्यामुळे या नागरिकांना आपल्या जमिनीच्या कराची माहिती मिळत नाही, अशा नागरिकांना आता हा कर भरणे सोयीचे होणार आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.