Nagar News : सीना नदीच्या कार्यक्षेत्रात नगरसह आष्टी तालुक्यात गेल्या १० दिवसांत चांगला पाऊस झालेला असला, तरी जामखेड तालुक्यातील जवळा परिसरात कोरडेठाक असलेले सीना नदी पात्र शनिवारी (ता. ३०) दोन तासांत काठोकाठ भरले.
सीना नदी नगर जिल्ह्यातून सोलापूर जिल्ह्यात प्रवेश करते, त्या जामखेड तालुक्यातील जवळा येथे मात्र सीना नदीचे पात्र शनिवारी सकाळी ११ वाजेपर्यंत कोरडेठाक होते.
दरम्यान, शुक्रवारी जामखेडसह आष्टी तालुक्यात झालेल्या मुसळधार पावसामुळे सीना नदीला आलेल्या पाण्याने जामखेड तालुक्यातील जवळा परिसरात कोरडीठाक सीना शनिवारी वाहती झाली.
दरम्यान, शनिवारी सकाळी अकराच्या सुमारास सीना वाहती झाल्यानंतर पाणी वेगाने सीना वरील तरडगाव (ता. करमाळा) बंधाऱ्यांपर्यंत पोहोचले. तरडगाव बंधाऱ्याची काही दारे यापूर्वीच टाकलेली असल्याने बंधाऱ्यात पाणीसाठा होऊन, सीना नदीपात्र दुपारी दोनपर्यंत काठोकाठ भरले.
कोरड्या नदीपात्रात नव्याने आलेले पाणी पाहण्यासाठी जवळा, आळजापूर व तरडगाव येथील शेतकरी ठिकठिकाणी थांबले होते. या वर्षात पहिल्यांदाच आलेल्या पाण्याच्या आनंद घेतला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.