Wakhar Corporation : वखार महामंडळाच्या अध्यक्षपदी डॉ. देवरे

Maharashtra State Wakhar Corporation : महाराष्ट्र राज्य वखार महामंडळाच्या अध्यक्षपदी डॉ. प्रवीणकुमार देवरे यांची बदली करण्यात आली आहे. महामंडळाचे विद्यमान अध्यक्ष दीपक तावरे यांची यापूर्वीच राज्य कामगार विमा योजनेच्या आयुक्तपदी बदली झाली आहे.

तावरे यांनी विशेष प्रयत्नांतून समृद्धी महामार्गावरील वैजापूर (जि. छत्रपती संभाजीनगर) येथील जांबरगाव येथे आधुनिक तंत्रज्ञानाचे लॉजेस्टिक पार्क उभारण्यात आले. २० हजार टन क्षमतेचे मेटल सायलोज, क्लीनिंग ॲण्ड ग्रेडिंग सुविधेसह १२ हजार टन क्षमतेचे गोदाम, १६ हजार टन क्षमतेचे कॉमन फॅसिलिटी सेंटर आणि एकात्मिक सुविधांचा समावेश आहे.

या माध्यमातून ई-ट्रेंडिंग सुविधा, शेतकरी प्रशिक्षण केंद्र. शेतीमाल तपासणी प्रयोगशाळा, बॅंकिंग, हाताळणी व वाहतूक सुविधा पुरविल्या जात आहेत. तसेच ब्लॉकचेन तंत्रज्ञानाच्या माध्यमातून घरबसल्या ऑनलाइन शेतमाल तारण कर्ज योजना राबविण्यात आली. तसेच महाराष्ट्र रिमोट सेन्सिंग ॲप्लिकेशन सेंटरच्या सहकार्याने गोदामाचे जाळे उभारण्याची जबाबदारी तावरे यांच्यावर होती.