Chh. Sambhajinagar News : खरीप हंगामाच्या पार्श्वभूमीवर शेतकऱ्यांना बियाणे, खते कीटकनाशकांची उपलब्धता तसेच येणाऱ्या तक्रारींच्या अनुषंगाने जिल्हाधिकारी दिलीप स्वामी यांनी शुक्रवारी (ता.१३) अचानक फुलंब्री येथे कृषी सेवा केंद्रांची तपासणी केली.
यावेळी जिल्हाधिकाऱ्यांनी कृषी निविष्ठा खरेदीसाठी आलेल्या शेतकऱ्यांना खत, बियाणे उपलब्धते बाबत काही अडचणी आहेत का, असा सवाल केला. जिल्हाधिकारी यांनी फुलंब्री येथील अरिहंत बीज भांडार, संजय फर्टिलायझर्स, या कृषिसेवा केंद्रांना भेट दिली.
भेटीदरम्यान कृषी सेवाकेंद्राची तपासणी केली. ही तपासणी करताना साठा नोंदवही अद्ययावत आहे का, प्रत्यक्ष खत बियाणे साठा जुळतो का, भावफलक लावले आहेत का, शेतकऱ्यांना पक्क्या पावत्या दिल्या जातात का, तक्रार निवारण कक्षाचे संपर्क क्र. लावले आहेत का, याबाबत माहिती जाणून घेतली.
यावेळी जिल्हाधिकारी यांनी कृषी सेवा केंद्रांवर खरेदीसाठी आलेल्या शेतकऱ्यांशी संवाद साधला. खते बियाणे उपलब्ध आहेत का, खत, बियाणे उपलब्धतेबाबत काही अडचणी आहेत का, योग्य दरात आपल्याला खते बियाणे पुरवले जात आहेत का, याबाबत विचारपूस केली.
डीएपीची कमतरता असल्याने शेतकऱ्यांनी डीएपी खताला असणाऱ्या पर्यायी खतांचा वापर करावा असे आवाहन जिल्हाधिकाऱ्यांनी केले. तपासणी दरम्यान कृषी विकास अधिकारी प्रकाश पाटील, तालुका कृषी अधिकारी पंकज वाकळे, कृषी अधिकारी राम बेंबरे, विस्तार अधिकारी गणेश पवार, गजेंद्र देशमुख आदी उपस्थित होते.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.