
Sangli News : संभाव्य पूरपरिस्थिती हाताळण्यासाठी प्रशासन सज्ज झाला असून, नागरिकांनी संभाव्य पूरपरिस्थितीत प्रशासनाने दिलेल्या सूचनांचे पालन करावे. वेळोवेळी देण्यात येणाऱ्या प्रशिक्षणात सहभागी होऊन पूरपरिस्थितीवर मात करण्याची माहिती घ्यावी, असे प्रतिपादन जिल्हाधिकारी अशोक काकडे यांनी येथे केले.
संभाव्य पूरस्थिती हाताळण्यासाठी महापालिकेतर्फे कृष्णामाई घाट परिसरात जनजागृतीचा भाग म्हणून प्रात्यक्षिके करण्यात आली. राष्ट्रीय आपत्ती प्रतिसाद दल (एनडीआरएफ), तसेच महापालिकेच्या अग्निशमन दलाचे जवान सहभागी झाले.
जिल्हाधिकारी अशोक काकडे व आयुक्त सत्यम गांधी उपस्थित होते. ‘एनडीआरएफ’ टीमप्रमुख संतोषकुमार तिवारी आणि त्यांचे २४ जवानांचे पथक, तसेच अग्निशमन दलप्रमुख सुनील माळी यांच्या ३१ जवानांच्या पथकाने प्रात्यक्षिके सादर केली.
प्रशासकीय कामकाजाचा भाग म्हणून काही वर्षे पावसाळ्याआधी अशी प्रात्यक्षिके झाली आहेत. महापूर काळात नागरिकांना वावरायचे कसे, इथपासून प्रशिक्षण द्यायचा हा प्रयत्न होता. बोटींमधून केल्या जाणाऱ्या मदतकार्याची प्रात्यक्षिके करण्यात आली. महापालिकेच्या अग्निशमन दलाच्या ७ बोटी या वेळी तयार ठेवण्यात आल्या होत्या.
आवश्यक सर्व साहित्य-साधनेही ‘कृष्णा’काठी आणली होती. आपत्ती व्यवस्थापनअंतर्गत आवश्यकता असलेले साहित्य आणि उपकरणे यांचे प्रदर्शन पाहून लाभ घेण्याचे आवाहन जिल्हाधिकारी अशोक काकडे यांनी केले.
प्रशासन महापुरासाठी आवश्यक मनुष्यबळ, साहित्य तसेच पूरबाधित नागरिकांच्या निवाऱ्यासाठी उपाययोजना तयारी केली आहे. संभाव्य आपत्तीसाठी आम्ही सज्ज असून महानगरपालिकेची टीम तयार आहे. पावसाळ्यात आपत्ती ॲप, तसेच आपत्ती व्यवस्थापन कक्ष अहोरात्र सुरू राहणार आहे. त्यासाठी पालिका संपर्क क्रमांक उपलब्ध करून देणार आहे. पूर पातळीबाबत अद्ययावत माहिती देखील नागरिकांना देण्यात येणार आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.