Weed Management : गाजर गवत निर्मूलन सप्ताहानिमित्त मेक्सिकन भुंग्याचे वाटप

Akola News : गाजरगवत निर्मूलन सप्ताहानिमित्त साडेसात हजार मेक्सिकन भुंगेऱ्यांचे वाटप केले गेले. या वेळी शेतकरी शास्त्रज्ञ मंचाच्या कार्यकारिणीचे अध्यक्ष राजेंद्र ताले यांच्या पुढाकारात करण्यात झाले.

तण संशोधन व व्यवस्थापन केंद्राद्वारे १६ ते २२ ऑगस्टदरम्यान गाजर गवत निर्मूलन सप्ताह राबवला जात आहे.

याचे औचित्य साधून कृषी शास्त्रज्ञांची प्रक्षेत्र भेट व शेतकऱ्यांना मेक्सिकन भुंग्यांचे वाटप हा कार्यक्रम झाला.

या वेळी सेंद्रिय शेती संशोधन आणि प्रशिक्षण केंद्राचे प्रमुख शास्त्रज्ञ तथा कृषी विद्या विभागाचे डॉ. ए. एन. पसलावार, कृषी विद्यावेत्ता डॉ. विकास गौड, सहायक प्रा. डॉ. नितीन वा. राऊत, शेतकरी मंचाचे अध्यक्ष राजेंद्र ताले, अनंत ताले, गजानन ताले, प्रमोद धोत्रे, तामशी येथील लघू कृषी उद्योजक तथा प्रगतिशील युवा शेतकरी गणेश काळे, मिथुन काळे, अक्षय बोहरुपी, सुधाकर केणेकर आणि शेतकरी उपस्थित होते.