Amaravati News : अंजनगावसुर्जी येथील कृषी उत्पन्न बाजार समितीचे सभापती अॅड. जयंत साबळे यांच्या विरोधात जिल्हा उपनिबंधक यांच्याकडे दाखल केलेल्या याचिकेत त्यांना अपात्र करण्यात आले होते.
सदर निकालाच्या विरोधात अॅड. जयंत साबळे यांनी विभागीय सहनिबंधक यांच्यासमोर अपील दाखल केले. त्यावर स्थगनादेश मिळाला असल्याने तालुक्याच्या सहकार गटात ‘कहीं खुशी कहीं गम’, असे वातावरण तयार झाले आहे.
तालुक्यात सहकार क्षेत्रातील कृषी उत्पन्न बाजार समिती, खरेदी-विक्री व किसान जिनींग या सहकारी संस्थांमध्ये सहकार गटाची एकहाती सत्ता आहे. तक्रारींच्या माध्यमातून सहकार गटाला घेरण्याकरिता बाजार समितीचे माजी संचालक प्रदीप गोमासे यांनी जून महिन्यात सभापती अॅड. जयंत साबळे यांना अपात्र करण्याची याचिका दाखल केली होती.
त्यावर २२ जानेवारी रोजी जिल्हा उपनिबंधक यांनी अपात्रतेचे आदेश पारित केले होते. त्यावर अॅड. जयंत साबळे यांनी विभागीय सहनिबंधक यांच्याकडे अपील दाखल केली,
त्यामध्ये अंतरिम स्थगनादेश प्राप्त झाल्याने तालुक्याच्या सहकार क्षेत्रात वर्चस्व राखणाऱ्या सहकार पॅनेलमध्ये आनंद व्यक्त केल्या जात आहे. बाजार समितीच्या सभापतिपदी अॅड. जयंत साबळे पुन्हा आरूढ होणार असल्याची माहिती आहे.
ॲग्रोवनचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.