Anna Bhau Sathe Scheme: साठे विकास महामंडळामार्फत गरजूंसाठी थेट कर्ज योजना

Solapur News: साहित्यरत्न लोकशाहीर अण्णा भाऊ साठे विकास महामंडळामार्फत मातंग समाज व तत्सम १२ पोट जातीतील दारिद्र्य रेषेखालील गरजू घटकांच्या आर्थिक उन्नतीसाठी, तसेच त्यांना स्वंयरोजगाराच्या अधिकाधिक संधी उपलब्ध करून देण्याच्या उद्देशाने थेट कर्ज योजना राबवण्यात येत आहे.

त्याअंतर्गत कर्जाची मर्यादा २५ हजार रुपयांहून एक लाख रुपयांपर्यंत वाढविण्यात आली आहे. इच्छुकांनी त्यासाठी कर्ज करावेत, असे आवाहन कऱण्यात आले आहे. थेट कर्ज योजनेची प्रकल्प मर्यादा एक लाख रुपये आणि त्यात महामंडळाचा हिस्सा ८५ टक्के, अनुदानाची रक्कम १० टक्के आणि अर्जदाराचा हिस्सा ५ टक्के याप्रमाणे ही योजना राबवण्यात येणार आहे.

शिवाय ग्रामीण भागासाठी प्राधान्य राहणार आहे. राज्यस्तरावरील क्रीडा पुरस्कार व्यक्तींना प्राधान्य राहील. सैन्य दलातील वीरगती प्राप्त वारसाच्या घरातील एका सदस्यास प्राधान्याने लाभ देण्यात येईल. अर्जदाराने अर्जासोबत आधारकार्ड जोडलेल्या बँक खात्याचा तपशील सादर करावा, अर्जदाराने जो व्यवसाय निवडला असेल त्या व्यवसायाचे ज्ञान व अनुभव/प्रशिक्षित असावा.

अर्जदाराचा सिबिल स्कोर ५००च्या वर असावा. २० जुलैपर्यत कर्ज मागणीसाठी आवश्यक कागदपत्रासह महामंडळाचे जिल्हा कार्यालय, डॉ. बाबासाहेब आंबेडकर सामाजिक न्याय भवन, सात रस्ता, शासकीय विश्रामगृहाच्या पाठीमागे, बीग बजार समोर, सोलापूर येथे संपर्क साधावा, असे जिल्हा व्यवस्थापक, आर. एच. चव्हाण यांनी केले आहे.