Chhatrapati Sambhajinagar : विभागीय आयुक्त दिलीप गावडे यांनी बुधवारी (ता. २६) आपल्या पदाचा कार्यभार प्रभारी विभागीय आयुक्त जगदीश मिनीयार यांच्याकडून स्वीकारला. या वेळी जिल्हाधिकारी दिलीप स्वामी, उपायुक्त जगदीश मिनीयार यांनी श्री. गावडे यांचे पुष्पगुच्छ देऊन स्वागत केले. या वेळी जलसंपदाचे मुख्य अभियंता विजय घोगरे, अनंत गव्हाणे, नयना बोंदार्डे, सुरेश वेदमुथा, ॲलीस पोरे, डॉ. सीमा जगताप, विभागीय कृषी सहसंचालक डॉ. तुकाराम मोटे उपस्थित होते.
विभागीय आयुक्त श्री गावडे यांनी विभाग प्रमुखांशी संवाद साधला. मराठवाड्यातील शेती, टंचाई तसेच सामाजिक विषयांबाबत त्यांनी माहिती जाणून घेतली. श्री. गावडे हे १९९० मध्ये महसूल विभागात उपजिल्हाधिकारी पदावर रुजू झाले होते.
वाई येथे प्रांत अधिकारी, पुणे येथे राजशिष्टाचार विभागात उपजिल्हाधिकारी, भूसंपादन अधिकारी, सातारा येथे जिल्हा पुरवठा अधिकारी, सांगली येथे निवासी उपजिल्हाधिकारी, पुणे मनपा अतिरिक्त आयुक्त, विदर्भात एमआयडीसीचे सीईओ पदावर त्यांनी काम केले आहे.
२००७ मध्ये त्यांना आयएएस पदावर बढती मिळाल्यानंतर गोंदिया जि. प. सीईओ, अहिल्यादेवीनगर येथे मनपा आयुक्त, नाशिक येथे आदिवासी विकास विभागाचे अतिरिक्त आयुक्त, पर्यटन विभागाचे संचालक व मानवी हक्क संरक्षण विभागाचे सदस्य सचिव या पदावरही त्यांनी काम केले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.