Dharashiv News: घरी ठेवता येईना आणि विक्रीही करता येईना, अशी अवस्था सोयाबीन उत्पादक शेतकऱ्यांची झाली आहे. जिल्ह्यात सुरू करण्यात आलेल्या हमीभाव केंद्रांवर बारदानाच उपलब्ध नसल्यामुळे तेथे सोयाबीनची खरेदी गेल्या आठवडाभरापासून ठप्प झाली आहे. त्यामुळे नोंदणी केलेल्या शेतकऱ्यांना त्रास सहन करावा लागत आहे..खरीप हंगामामध्ये सोयाबीनचे उत्पादन घेणाऱ्या शेतकऱ्यांची संख्या मोठी आहे. खरिपाच्या एकूण क्षेत्रांपैकी ७० टक्क्यांपेक्षा अधिक क्षेत्रामध्ये सोयाबीनची पेरणी केली जाते. मात्र, सोयाबीनची काढणी सुरू होताच बाजारपेठेत दरही कमी होतात. दरवर्षी हीच परिस्थिती शेतकऱ्यांना अनुभवावी लागते. अशावेळी शेतकऱ्यांना हमीभाव खरेदी केंद्राचा एकमेव आधार असतो. मात्र, त्यासाठी शेतकऱ्यांना नोंदणी करण्यापासून सोयाबीनची केंद्रावर खरेदी करेपर्यंत अनेक यातना सहन कराव्या लागतात. .Procurement Center Corruption: ‘नाफेड’ खरेदी केंद्रावर शेतकऱ्यांना पैशाची मागणी.गेल्या वर्षी शेतकऱ्यांनी नोंदणी करूनही अनेकांचे सोयाबीन खरेदीच करण्यात आले नव्हते. तशीच परिस्थिती यंदाही होणार असल्याचे संकेत सध्याच्या हमीभाव केंद्रांवरील खरेदीवरून स्पष्ट होत आहे. गेल्या वर्षी अनेक केंद्रांवर बारदानाच उपलब्ध नसल्यामुळे सोयाबीनची खरेदी वेळेत करता आली नाही. त्यामुळे शेतकऱ्यांना मोठा आर्थिक फटका सहन करावा लागला होता. तशी परिस्थिती यंदा निर्माण होऊ नये, याची दक्षता खरेदी केंद्रचालकांनी घेण्याची गरज होती; परंतु सध्या ये रे माझ्या मागल्या अशाच पद्धतीने खरेदी सुरू आहे..केंद्रचालकही हतबलबारदाना वेळेत उपलब्ध होत नसल्याने केंद्रचालकही हतबल झाले. गेल्या आठवडाभरापासून तर सर्वच केंद्रांवरील बारदाना संपल्यामुळे सोयाबीनची खरेदीच ठप्प झाली आहे. बारदाना उपलब्ध करून देण्यासाठी संबंधित अधिकाऱ्यांकडून पाठपुरावाही करण्यात येत आहे..Soybean Procurement Center: अकोट सोयाबीन केंद्रावर पैशांची मागणी करणारा ग्रेडर कार्यमुक्त.बारदान्याचा तुटवडायंदा जिल्ह्यात २१ केंद्रांवर १५ नोव्हेंबरपासून सोयाबीनची खरेदी करण्याचे नियोजन करण्यात आले होते. प्रत्यक्षात अनेक केंद्रांवर सोयीनुसार सोयाबीनची खरेदी सुरू करण्यात आली. पहिला आठवडा तर काटापूजन, खरेदी केंद्राचे उद्घाटन हे सोपस्कार पूर्ण करण्यातच गेले. त्यानंतर नोंदणी केलेल्या शेतकऱ्यांना मॅसेज पाठविण्यास सुरवात झाली. त्यानुसार शेतकरी त्यांचे सोयाबीन विक्रीसाठी केंद्रावर घेऊन आल्यानंतर पहिले दोन आठवडे खरेदी व्यवस्थित सुरू होती; परंतु त्यानंतर बारदान्याचा तुटवडा जाणवण्यास सुरवात झाली. काही केंद्रांवरील बारदानाही संपला. परिणामी अशा केंद्रांवरील सोयाबीनची खरेदी ठप्प झाली..सध्या खरेदी केंद्रांवर बारदान्याचा तुटवडा आहे. अन्य जिल्ह्यातून बारदाना उपलब्ध करून काही केंद्रांवर तात्पुरत्या स्वरूपात सोयाबीनची खरेदी सुरू आहे. प्रत्येक केंद्रांसाठी बारदाना मागविण्यात आला असून, येत्या एक ते दोन दिवसांत बारदाना उपलब्ध होईल.- मनोज बाजपायी, जिल्हा पणन अधिकारी, धाराशिव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
