Pune News : सप्टेंबरच्या पहिल्या आठवड्यात मराठवाड्यासह विदर्भातील काही जिल्ह्यात पावसाने हाहाकार केला. यात धाराशिव जिल्ह्यातील धाराशिव तालुक्यातही अतिवृष्टीमुळे शेकडो हेक्टर पिके पाण्याखाली गेली. यामुळे येथील शेतकऱ्यांच्या डोळ्यात पाणी आले असून नुकसान भरपाई मिळावी अशी मागणी नुकसानग्रस्त शेतकऱ्यांनी केली आहे.
धाराशिव तालुक्यातील तेर व परिसरात अतिवृष्टीमुळे शेकडो हेक्टर पिके पाण्याखाली गेल्याने शेकऱ्यांचे प्रचंड आर्थिक नुकसान झाले आहे. यामुळे शेतकरी संकटात सापडला आहे. तर लवकरात लवकर पंचनामे करून नुकसान भरपाई मिळावी अशी मागणी शेतकरी करत आहेत.
तालुक्यातील तेरमध्ये अतिवृष्टीमुळे खरीप पिकांचे नुकसान झाले. शेतीसाठीच्या प्रचंड खर्चामुळे शेतकऱ्यांचा जीव आधीच मेटाकुटीला आलेला असताना आता हातातोंडाशी आलेली पिके देखील अतिवृष्टीमुळे हातची गेली आहेत. त्यामुळे शेतकरी चिंताग्रस्त झाला असून आता प्रपंच कसा चालवायचा? असा प्रश्न करत आहे.
सोयाबीनवर रोगांचा प्रादुर्भाव
उमरगा तालुक्यातील माडज परिसराला देखील अतिवृष्टीचा फटका बसला आहे. येथील सोयाबीन पिकांवर विविध प्रकाराच्या रोगांचा प्रादुर्भाव झाला आहे. तर बहुतांश ठिकणी सोयाबीन पाण्याखाली गेल्याने येल्लो मोजाक रोगाचाही प्रादुर्भाव वाढला आहे. त्यामुळे सोयाबीनची पाने पिवळी पडत असून परिसरातील शेतकऱ्यांना खरीप हंगाम देखील वाया जाईल अशी भीती आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.