Kasa News : श्रावण संपल्यानंतर अनेक मांसाहारप्रेमी बाजारात मासे खरेदी करण्यासाठी गर्दी करत आहेत. बहुतेक मांसाहारी श्रावणात मांसाहार करणे टाळतात. मात्र, श्रावण संपल्यानंतर पहिला दिवस बुधवार आल्याने आणि तीन दिवसांनी गणेशोत्सवाला सुरुवात होणार असल्याने आज खवय्यांनी गर्दी केली होती.
दोन-तीन महिन्यांच्या जोरदार पावसामुळे आणि मासेमारी बंदी असल्यामुळे बोटी समुद्रात जाऊ शकल्या नव्हत्या. त्यामुळे बाजारात कमी प्रमाणात मासे दिसत होते. या काळात नदी आणि धरणातील गोड्या पाण्यातील मासे बाजारात विक्रीसाठी येत होते.
मात्र, नारळी पौर्णिमेनंतर अनेक मच्छीमार बोटी समुद्रात मासेमारीसाठी निघाल्याने सध्या मोठ्या प्रमाणात मासे बाजारात विक्रीसाठी आले आहेत. गणेशोत्सव दोन-चार दिवसांवर आला आहे.
गणेशोत्सवानंतर मांसाहारास सुरुवात करणारे भाविकांनी श्रावण महिना संपताच माशांवर ताव मारण्यास सुरुवात केली. बुधवारी बाजारात अनेकांची पावले मासे खरेदी करताना दिसत होती.
सध्या बाजारात कोळंबी, बोंबील, मांदेली, दाताळ, पापलेट यांसारखे समुद्रातील मासे आणि गोड्या पाण्यातील विविध प्रकारचे मासे विक्रीसाठी उपलब्ध आहेत. खवय्यांनीही माशांवर ताव मारण्यास सुरुवात केली आहे.
ॲग्रोवनचे सदस्य व्हा
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.