Agricultural Development Programs: शेतकऱ्यांच्या उपक्रमशीलतेला प्रोत्साहन मिळावे आणि पीक उत्पादनवाढीस चालना मिळावी यासाठी शासनाकडून दरवर्षी पीक स्पर्धा आयोजित केली जाते. मात्र यंदा पावसाने ओढ दिल्याने या स्पर्धेला अपेक्षित प्रतिसाद मिळेल का, याबाबत साशंकता व्यक्त केली जात आहे. स्पर्धेचा प्रतिसाद बहुतांशी पावसाच्या स्थितीवर अवलंबून राहणार असल्याचे चित्र आहे..जिल्ह्यातील अनेक भागांमध्ये अद्याप समाधानकारक पाऊस झालेला नाही. यावल, रावेर आणि मुक्ताईनगर तालुक्यांमध्येही अत्यल्प पावसाची नोंद झाली आहे. जून महिन्याची सरासरी गाठली जाईल की नाही, याबाबतच शेतकऱ्यांमध्ये चिंता व्यक्त होत आहे..Kharif Crop Competition 2026: ‘खरीप हंगाम २०२६ पीकस्पर्धेत सहभागी व्हा’.पीक स्पर्धेसाठी तालुका कृषी अधिकारी कार्यालये आणि कृषी सहाय्यक स्तरावर प्राथमिक तयारी करण्यात आली आहे. मात्र सध्या शेतकऱ्यांमध्ये दुष्काळसदृश परिस्थिती, केळी पीकविमा प्रश्न आणि विविध कृषी समस्यांबाबत नाराजीचे वातावरण आहे. केळी पीकविमा योजनेत अनेक गावांवर अन्याय झाल्याचा आरोप होत असून याबाबत शेतकऱ्यांमध्ये तीव्र रोष आहे. काही ठिकाणी कृषी सहाय्यक शेतात फिरकत नसल्याचाही आरोप शेतकऱ्यांकडून केला जात आहे..Kharif Crop Competition Results: पीकस्पर्धेत शेतकरी धुमाळ, गलांडे, शेख, राणे, कतकर चमकले.दरवर्षी कडधान्ये, तृणधान्ये आणि तेलबिया पिकांसाठी तालुकानिहाय ही स्पर्धा आयोजित केली जाते. मात्र यंदा अनेक भागांत पेरण्या अद्याप झालेल्या नाहीत. पेरणीनंतर पिकांची वाढ सुरू झाल्यावरच स्पर्धेला खऱ्या अर्थाने गती मिळते. त्यामुळे सध्याच्या परिस्थितीत स्पर्धेच्या प्रतिसादाबाबत अनिश्चितता कायम आहे..तथापि, पुढील काही दिवसांत समाधानकारक पाऊस झाल्यास पेरण्या वाढतील आणि पीक स्पर्धेतील सहभागही चांगला राहू शकतो, अशी अपेक्षा कृषी क्षेत्रातून व्यक्त होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
