Mumbai COVID Update : कोरोनाविरोधात ठाण्यात आरोग्य यंत्रणा सज्ज

Palghar News : मुंबई, ठाणे परिसरात कोरोनाचा फैलाव वाढत आहे. वसई-विरार शहरातील आरोग्य यंत्रणा सज्ज झाली आहे. गेल्या दोन दिवसांत चार हजारांहून अधिक नागरिकांची तपासणी करण्यात आली.

वसईच्या खासगी रुग्णालयात एक बाधित रुग्ण आदळून आला. त्याला उपचारानंतर रविवारी (ता. २५) घरी पाठवण्यात आले. कोरोनाचा फैलाव होऊ नये, म्हणून महापालिकेने मोहीम आखण्यास सुरुवात केली आहे.

एकीकडे वातावरणात होणाऱ्या बदलाचा परिणाम हा नागरिकांवर होत आहे. सर्दी, खोकला आणि ताप अशी लक्षणे आढळत असल्याने रुग्णालयाची पायरी चढावी लागते. अशातच कोरोनाची भीती निर्माण झाली आहे. त्यामुळे कोरोनासंबंधी काही लक्षणे आढळत तर नाही ना, याची तपासणी केली जाऊ लागली आहे.

महापालिका रुग्णालय, नागरी आरोग्य केंद्र, आपला दवाखाना, आयुष्मान आरोग्य केंद्र आदि ठिकाणी तपासणी मोहीम हाती घेतली आहे. शुक्रवार (ता. २३)पासून मोहिमेची सुरुवात करण्यात आली. दोन दिवसांत एकूण चार हजार ४०० नागरिकांची तपासणी पार पडली. यामध्ये कोणीही कोरोनाबाधित रुग्ण आदळला नाही, असे प्रशासनाने स्पष्ट केले आहे.